Т.САЙХАН

2020.12.12

Эрүүл мэндийн яамнаас COVID-19 халдварын талаар ээлжит мэдээллээ хүргэлээ. ХӨСҮТ-ийн Тандалт, судалгааны албаны дарга А.Амбасэлмаа "2020 оны арванхоёрдугаар сарын 11-нд ХӨСҮТ-ийн вирус судлалын гурван лаборатори болон бусад лабораторид нийт 17529 хүнд шинжилгээ хийлээ. Нэг хүний шинжилгээнээс коронавирус илэрсэн. Тодруулбал, ХӨСҮТ-ийн сувилагч. Бусад голомтод халдвар илрээгүй. Улсын хэмжээнд халдвар голомтлон тархаад байгаа хэсэгт нийт 454 тохиолдол бүртгэгдсэн.  

• Улаанбаатарт 138
• Сэлэнгэ аймагт 208
• Орхон аймагт 25
• Дархан-Уул аймагт 45
• Дорноговь аймагт 31
• Говьсүмбэр аймагт 4
• Архангай аймагт 3 тохиолдол бүртгэгдээд байна" гэв. 

Мөн тэрээр "Амгалан цэгийн талбайд хяналт хийдэг байцаагч болон түүний хүүгээс өчигдөр халдвар илэрсэн. Тэдний ойрын хавьтал 58 хүнийг илрүүлж тусгаарлаж шинжилгээ авсан. Мөн дам болон хоёрдогч хавьтал 100 орчим хүнийг илрүүлж шинжилгээ авсан. Одоогийн байдлаар тэр хүмүүсээс халдвар илрээгүй байна. Өнөөдөр нийслэлийн Гаалийн газрын 150 гаруй хүнийг шинжилгээнд хамруулна. Одоогоор шинжилгээ хийсэн 100 гаруй хүнээс халдвар илрээгүй" гэлээ. 

Эх сурвалж:www.polit.mn