С.САРУУЛ

Д.Кёкүшюзан Батбаяр болон иргэн Д.Алтанцагт нартай холбоотой залилангийн хэргийг хууль хяналтын байгууллагаас шалгаж байгаа. Д.Алтанцагтай холбоотой хэргийг өчигдөр буюу 2020 оны арванхоёрдугаар сарын 7-нд шүүхээс шийдвэрлээд байгаа юм. Энэ талаар УЕПГ-ын Олон нийттэй харилцах албанаас тодруулахад “Хан-Уул дүүргийн прокурорын газраас яллах дүгнэлт үйлдсэн Ц.Алтанцагт холбогдох эрүүгийн хэргийг тус дүүргийн Эрүүгийн хэргийн анхан шатны шүүх өчигдөр хянаж шийдвэрлэсэн. Иргэн Ц.Алтанцаг нь Д.Кёкүшюзан Батбаяртай уулзах үедээ нууцаар  хийсэн бичлэгүүдээ эвлүүлж түүнээс эд хөрөнгө өгөхийг шаардан, баримт, мэдээллийг тараана гэж сүрдүүлж 35 сая төгрөг авсан. Түүнийг бусдыг хууль бусаар мөрдөн мөшгисөн үндэслэлээр шалгаж, шүүхээс гэм буруутайд тооцсон. Энэ хэрэгт Д.Кёкүшюзан Батбаяр  хохирогчоор оролцсон. Гэхдээ Д.Кёкүшюзан Батбаяр нь хэд хэдэн удаагийн үйлдлээр бусдыг залилан мэхэлж их хэмжээний хохирол учруулсан гэсэн үндэслэлээр яллагдагчаар татагдан шалгагдаж байгаа. Хэрэгт Нийслэлийн прокурорын газраас хяналт тавьж, Эрүүгийн цагдаагийн албаны Эдийн засгийн гэмт хэрэгтэй тэмцэх хэлтсээс мөрдөн байцаалтын ажиллагаа явуулж байна. Одоогоор хэргийг эцэслэн шийдвэрлээгүй, мөрдөн байцаалтын ажиллагаа үргэлжилж байгаа юм. Өөрөөр хэлбэл, дээрх хоёр хэрэг тусдаа. Ц.Алтанцагт холбогдох хэрэг, Д.Кёкүшюзан Батбаярт холбогдох хэргүүд нь хоорондоо хамааралгүй” гэлээ.

Эх сурвалж: www.polit.mn