Б.ДОЛЖИНЖАВ
Нийслэлийн онцгой комиссын Шуурхай штабаас 24 цагийн нөхцөл байдал, хэрэгжүүлсэн арга хэмжээнүүдийн талаар мэдээлэл өглөө. НОК-ын Шуурхай штабын удирдлагын багийн гишүүн Э.Эрдэнэбаатар “Нийслэлийн хэмжээнд оношилгоо шинжилгээ авах цэгийг 102 болгож нэмэгдүүлсэн. Өнөөдрийн байдлаар 14 байршилд 50 тонн нөөцийн махыг борлуулж байна. Мөн нийслэлийн 4000 орчим ААН-д 35-110 хоногийн өргөн хэрэглээний хүнсний бүтээгдэхүүний нөөцтэй гэсэн тооцоог гаргасан. Тээврийн хэрэгслийн хөдөлгөөнд хязгаарлалт хийснээр автомашины тоо тодорхой хэмжээгээр буурч, өчигдөр 45 мянган автомашин хөдөлгөөнд оролцсон.Иргэд мэргэжлийн байгууллагаас гарсан зөвлөмжийг даган хэрэгжүүлж, Гамшгаас хамгаалах тухай хуулиар хүлээсэн үүргээ биелүүлэх хэрэгтэй” гэсэн юм.
Эх сурвалж:www.polit.mn