Б.ДОЛЖИНЖАВ
Нийслэл дэх оюутны дотуур байрны үйл ажиллагаа, эрүүл ахуй халдвар хамгааллын байдалд Нийслэлийн мэргэжлийн хяналтын газраас шалгалт хийжээ. Шалгалтад 29 их сургууль, 13 дээд сургууль, таван коллежийн 28 дотуур байрны 2898 оюутан хамрагдсан байна. Шалгалтаар 61 зөрчил илрүүлснээс 26 зөрчлийг газар дээр нь арилгуулан мэргэжил арга зүйгээр ханган ажиллажээ.
Тухайлбал, оюутны дотуур байрны өрөө, тасалгаа нь эрүүл ахуйн шаардлага хангаагүй, тусгаарлах өрөө гаргаагүй, хөл хорио тогтоогоогүй, хүүхдүүд гарч орох нь чөлөөтэй, өрөөнүүдийн цэвэрлэгээ хангалтгүй дотоод хяналт сул байна. Мөн дотуур байр нь стандарт бус ариун цэврийн өрөөтэй, гар угаагуур, суултуурын хүрэлцээ хангалтгүй, оюутны халуун хэмжиж тэмдэглэл хөтлөөгүй зэрэг зөрчил илэрчээ. Иймд эдгээр зөрчил дутагдлыг засах, халдвар тархахаас урьдчилан сэргийлэх ажлыг эрчимжүүлэхийг зөвлөсөн байна.
Эх сурвалж:www.polit.mn