Ч.ОЛДОХ

Дархан-Уул аймгийн  Онцгой комиссоос тус аймгийн хэмжээнд хорио цээрийн дэглэм хэрхэн мөрдөгдөж байгааг мэдээллээ. Дархан-Уулд  УОК-оос зөвшөөрөгдсөн байгууллагуудын үйл ажиллагаа хэвийн явагдаж байна.  Гэхдээ тусгай горимын дагуу халдвар хамгааллын дүрэм журмын хүрээнд ажиллаж байгаа аж. Зэргэлдээ Сэлэнгэ аймагт үүссэн нөхцөл байдлын улмаас нийтийг хамарсан шинжилгээг эхлүүлээд байгаа. Нийт хүн амын 10 хувь буюу 10 мянган хүнд түргэвчилсэн оношлуулаар шинжилгээ авах явж байна. Өмнө нь  450 иргэнийг хамруулсан  тусгай шинжилгээний хариу сөрөг гарсан. Хүнс, мах зөөвөрлөж байгаа жолооч хүмүүсийг  байнгын шинжилгээнд хамруулж хэвшсэн. Сэлэнгэ, Дархан-Уул аймаг өндөр эрсдэлтэй бүсэд хамаарч байгаа учраас орох гарах хөдөлгөөнийг хаасан. Бусад үйл ажиллагаа хэвийн, хүнсий хангамж хүрэлцээтэй. Энэ сарын 19-20-нд цас орж эрс хүйтрэх төлөвтэй байгаа учраас малчид, иргэд анхаарал болгоомжтой байхыг анхааруулж байна гэв.

Эх сурвалж: www.polit.mn