Б.ДОЛЖИНЖАВ

Бүх нийтийн хөл хорио тогтоосон өдрүүдийг өөрийгөө хөгжүүлж, үр бүтээлтэй өнгөрүүлэхийг хүсч байгаа ч сэтгэл санаа тань нэг л тавгүй, айдастай байна уу. Тэгвэл айдсаа давж, урам зоригоо сэргээх долоон аргыг таньд санал болгож байна. Туршаад үзээрэй.

1.Нухацтай хандах.

-Хэрэв ямар нэгэн шийдвэр гаргах гэж байгаа бол сайн бод. Өнөөдрийг хүртэл хэрэгжүүлье гэж бодож байсан зүйлээ эхлүүл. Тэгээд хамгийн сайнаараа хичээ. Энэ шийдвэр таны амьдралыг үүрд өөрчлөж магадгүй юм. Эргэлзэх хэрэггүй, сайтар тунгаан бодоод шийдвэрээ гарга.

2. Амжилтынхаа хаана явж буйг тодорхойл.

-Таны эрч хүчний дээд хязгаар юу вэ. Таныг хойш нь татдаг зан чанар, дадал юу вэ гэдгийг бусдаас асуу. Өөрийн тань урам зориг сэргэхэд юу хэрэгтэйг, юу саад болж байгааг мөн олж мэд. Өнөөдөр амжилтынхаа яг хаана явж буйгаа тодорхойл.

3.Зөв хүмүүсээр хүрээлүүл.

-Өөрийгөө эерэг хүмүүсээр хүрээлүүл. Өмнөө тавьсан том зорилго, мөрөөдөлтэй, асар их урам зоригтой хүмүүстэй нөхөрлө. Сөрөг энергитэй хүмүүсээс зайгаа барь.  Бүх зүйлд гомдоллож байдаг хүмүүсээс холд. Амьдрал дэндүү богинохон. Тиймээс хэрэгтэй хүмүүстэйгээ нөхөрлөлийн холбоо тогтоо.

4.Өөртөө анхаарал тавь.

-Эрүүл мэнддээ дээд зэргээр анхаар. Дасгал хөдөлгөөн хийж, зөв хоолло. Хүн бүр сайн, эрүүл хүнс идэж, тогтмол дасгал хийж, сайн амрах хэрэгтэйг мэддэг. Харин үүнийг хэвшил болгох хэрэгтэй. Хэрэв та долоо хоногийн таван өдөр шаргуу ажилладаг бол долоо хоногийн таван өдөр эрт амарч бай.

5.Та хамгийн шилдэг нь гэдгээ сана.

-Юу  ч хийсэн та хамгийн шилдэг нь гэж төсөөлөөрэй. Таны амьдрал хэрхэн сайжрах нь бодол  санаагаа хэрхэн өөрчлөхөөс хамаардаг.

6.Өөртэйгөө ярилц.

-Дотоод сэтгэлээ удирдахын тулд өөртэйгээ  эерэг яриа өрнүүл. Яаж гэж үү?. “Би хамгийн шилдэг нь. Би өөртөө хайртай. Би үүнийг хийж чадна. Би ажилдаа хайртай” гэсэн үгсийг өөртөө хэлээрэй. Юу ч тохиолдсон өөртэйгээ сайн ярилц.

7.Хурдаа нэм

-Хурдан хөдөл. Бусдаас ялгарч, өөрийгөө хөгжүүлэх нэг чухал зүйл бол хурдацтай ажиллах юм. Сайхан санаа орж ирсэн бол шууд хэрэгжүүл. Хурдан хөдлөх тусмаа та хурдан сайжирна. Хурдан сайжрах тусмаа та өөртөө илүү хайртай болно. Та өөртөө хайртай болвол өөрийгөө үнэлэх үнэлэмж тань өснө. Өөрийн үнэлэмж өсвөл та хувийн сахилга баттай болно. Та шаргуу хөдөлмөрлөх тусам юу ч таныг зогсоож чадахгүй.

Эх сурвалж:Success.com