С.САРУУЛ

УОК-ын хурлын дараа сэтгүүлчдэд мэдээлэл хийх үеэр  Эрүүл мэндийн сайд Т.Мөнхсайхан “Тухайн иргэн аравдугаар сарын 14-нд олон улсын тээврийн монгол жолооч Сэлэнгэ аймагт шинжилгээ өгч, сөрөг гарсан учраас Энхсаран сувилалд тусгаарлагдаж, 21 хоногийн хугацаанд тусгаарлагдсан. Тусгаарлалтад байсан хугацаанд 3 удаа шинжилгээ авсан. Бид арваннэгдүгээр сарын 10-нд дахин шинжилгээ хийхэд эхнэрийнх нь хамт коронавирусын халдвар илэрсэн. Одоогоор 24 ойрын хавьтлыг тусгаарлаж, шинжилгээ авах ажил үргэлжилж байна. Хоёр цагийн дараа шинжилгээний хариу гарна. Бид эрсдэлийг тооцоолж, орны бэлэн байдал, нөөцийг хангаж бэлэн байдалд ажиллаж байна. Ард иргэд халдвараас маш сайн урьдчилан сэргийлж, үүргээ ухамсарлаж, халдвараас сэргийлж гараа ариутгах, зай барих, амны хаалт зүүх энгийн дэглэмүүдийг маш сайн зүүвэл халдварт өвчин тусахгүй байх магадлалтай. Тиймээс урьдчилан сэргийлж, шаардлагагүй бол эрүүл мэндийн байгууллагыг зүглэхгүй байх ёстой. Ямар нэг ханиах, халуурах шинж тэмдэг илэрвэл зөвлөгөө мэдээлэл авч, эрүүл мэндийн байгууллагын холбогдох утсанд холбогдоорой” гэв.

Эх сурвалж: www.polit.mn