З.БАТЦЭЦЭГ

Францын алдарт диетлогч Дюкан Оросуудад зориулж  COVID-19-өөс урьдчилан сэргийлэх талаар зөвлөгөө өгсөн байна. Тэрээр “Комсомольская правда” сонины сэтгүүлчтэй ярилцахдаа, юуны түрүүнд маскаа сайн зүүхийг зөвлөлөө. Үүний хажуугаар тэрээр өдөр бүр витамин С уудаг байна. Ингэхдээ нэг граммыг тогтмол, хоёр граммыг томуугийн дэгдэлт, өвчтэй хүнтэй харьцсан үед, гурван граммыг ханиадны шинж тэмдэг илэрсэн үед уудаг гэж ярьсан байна. Мөн ханиадны үеэр шарах шүүгээг 60˚С халаан, хатуу картон цаасыг нүхлээд тэр нүхээр нь халуун агаар амьсгалахыг зөвлөсөн байна. Түүнээс гадна зунаас эхлэн тэр витамин-Д ууж байгаа аж.

Жингийн илүүдэлтэй хүмүүсийг өөрийн диетийн аргаар турахыг зөвлөв. Учир нь илүүдэл жинтэй, чихрийн шижинтэй хүмүүс хүндээр Ковидоор өвдөж байгаа юм. Дюканы хэлснээр 50-иас дээш насны эдгээр шинж тэмдэгтэй хүмүүс эрсдэлт бүлгийхэн гэв. Хоёр шалтгаанаар хүн жин нэмдэг байна. Буруу хооллож хурдан нүүрс усыг авах, стрессээс болж хэт их идэх. Юун түрүүнд цагаан гурил, сахараас татгалзахгүй бол илүүдэл жингээс үүдэлтэй олон өвчнөөр өвдөх магадлалтай. Мөн тэрээр эрчүүд булчинлаг тул удаан таргалдаг ч, удаан жингээ хаядаг гэсэн байна.

Диетлогч өөрөө загас, тослог багатай сүүн бүтээгдэхүүн, улаан лооль, хаш, улаан байцаа, ногоон шош, мөөг, овъёосон гамбир, өөрийн бүрсэн тараг эзргийг хүнсэндээ хэрэглэдэг. Өдөр бүр 25 мин гүйдэг байна. Дюканы дэглэмийн гол зарчим нь уураг ихтэй, нүүрс ус багатай бүтээгдэхүүн хэрэглэх. Нүүрс ус биед орохгүй бол хүний бие энергийн эх үүсвэрээ өөрийн өөх тосноос авч эхэлдэг.

Эх сурвалж: www.lenta.ru