Б.ДОЛЖИНЖАВ

Энэ оны наймдугаар сарын 30-нд 89 нас хүрсэн “Berkshire Hathaway” компанийн захирал, тэрбумтан Уоррен Буффетын  амьдралын зургаан зөвлөгөөг хүргэж байна. 

1.Зөв хүнтэйгээ гэрлэ

Буффетын хувьд багахан хөрөнгө оруулалтаар өөрийн хөрөнгийг босгосон нэгэн. Хэрэв та түүнээс “Амьдралдаа  гаргасан хамгийн чухал шийдвэр тань юу вэ” гэж асуувал мөнгөтэй ямар ч холбоогүй байх болно.  Харин “Хэнтэй суухаа сонгох нь миний амьдралын хамгийн чухал шийдвэр байсан” хэмээн хариулах болно.

Учир нь “Та хүмүүсийг ямар байгаасай гэж хүсдэг. Тэр шалгууртаа тэнцсэн хүмүүстэй харилцаа холбоо тогтоо. Тэгвэл та тэр зүг рүүгээ явна. Энэ тал дээр хамгийн чухал хүн бол хань юм. Энэ ямар чухал зүйл болохыг би тайлбарлаж чадахгүй” хэмээн Билл Гэйтстэй ярилцах үеэрээ хэлж байв. Мөн компанийхаа хурлын үеэр “Зөв хүнтэйгээ гэрлэж чадвал та амьдралаа өөрчилж чадна. Би энэ сонголтдоо их нухацтай хандсан. Сайн хань ижил таны хүсэл тэмүүллээс эхлээд  бүх зүйлийг өөрчилнө” гэж ярьсан юм.

2.Өөртөө хөрөнгө оруул          

“Өөртөө оруулах хөрөнгө оруулалт бол хамгийн сайн хөрөнгө оруулалт мөн. Бичгээр болон биечлэн хүмүүстэй харилцаж сурах нь хамгийн чухал чадвар юм.Ингэснээр таны үнэлэмж хамгийн багадаа 50 хувиар нэмэгдэнэ. Дараа нь залуу байгаа дээрээ өөрийн бие болон оюун санаанд анхаарал тавь.Хэрвээ та 50 нас хүрвэл анхаарал халамж тавихад оройтсон байх болно.

3. Дээд түвшний хүмүүстэй харилцаа холбоо тогтоо.

Өөрөөсөө илүү хүмүүсээр хүрээлүүлэх нь хамгийн чухал зүйлийн нэг. Хэрвээ чи дээд түвшний өндөр боловсролтой хүмүүстэй нөхөрлөвөл тэдний адил болох гэж хичээж эхэлнэ. Хэрэв чи өөрөөсөө дор хүмүүстэй нөхөрлөвөл тэр зүг рүү татагдана.

4. Хүндэлдэг хүмүүсийнхээ төлөө ажилла

Өөрийнхөө хамгийн ихээр хүндэлдэг хүмүүсийнхээ төлөө ажиллах гэж хичээ. Цалин бол таны нэр хүнднээс чухал зүйл боловч мөнгөний төлөө ажиллаж болохгүй.

5. Хүмүүсийн ярьж буйг бүү тоо

Би эдийн засагчдын хэлж байгаа зүйлд анхаарлаа хандуулдаггүй. Хэрэв та эдийн засагчдын намтарыг уншвал тэд хэзээ ч хувьцаа худалдахын төлөө их мөнгө зарцуулдаггүй. Харин хувьцаа худалдан авч байгаа хүмүүс тэднийг сонсдог.

6. Амжилт мөнгөөр хэмжигдэхгүй

Буффет бол дэлхий дээрх баян хүмүүсийн нэг. Гэхдээ түүний амжилтын үнэ цэнэ эд хөрөнгөөр хэмжигдэхгүй. Харин түүнийг хайрладаг хамгийн дотно хүмүүсээр хэмжигдэнэ. Хэрэв та хүнд хайр бэлэглэвэл хоёр дахин их хайрыг буцааж авна.

Эх сурвалж:CNBC