Ч.Уртнасан. Томуугаар өвчлөгсдийн 90 хувь нь хүүхэд

Нүүр

Геополитик

Ч.Уртнасан. Томуугаар өвчлөгсдийн 90 хувь нь хүүхэд

2020-11-04

Нийтэлсэн: Админ

1 мин

ХУВААЛЦАХ

ЖИРГЭХ

С.САРУУЛ

Эрүүл мэндийн яамны ээлжит мэдээллийн үеэр ХӨСҮТ-ийн Томуугийн үндэсний нэгжийн эмч Ч.Уртнасан мэдээлэл өглөө. Тэрээр "Томуу, томуу төст өвчний амьсгалын замын хүнд халдварын улмаас эмнэлэгт хэвтэн эмчлүүлэгчид дэлхий дахинд төдийгүй манай улсад нэлээдгүй хувийг бүрдүүлж байна. Өнөөдрийн байдлаар манай улсад амбулаторийн нийт үзлэгийн 4.2 хувийг томуу, томуу төст өвчин эзэлж байгаа нь сүүлийн гурван жилийн дунджаас 0.2 хувиар нэмэгдсэн үзүүлэлт. Насны бүлгээр нь авч үзвэл, томуу, томуу төст өвчнөөр өвчлөгчдийн 90 орчим хувь нь 15 хүртэлх насны хүүхдүүд байгаа бол түүнээс 70 орчим хувь нь 0-4 хүртэлх насны хүүхдүүд байна. Сүүлийн долоо хоногт томуу төст өвчлөл бага зэрэг нэмэгдэх хандлагатай байна. ХӨСҮТ-ийн вирус судлалын лабораторид хийж буй шинжилгээгээр наймдугаар сарын сүүлээс хойш д реновирус эргэлтэд байсан бол арваннэгдүгээр сарын эхэн үеэс л энтеровирус, аденовирус, боковирус нэмэгдсэн. Уг халдвар нь амьсгалын замыг үрэвсүүлж, нусгайрах, нүд улайх зэрэг шинж тэмдгээр илэрдэг" гэв.

Эх сурвалж: www.polit.mn