-“Үнэн дарсанд, эрүүл мэнд усанд” гэж үг бий-

З.БАТЦЭЦЭГ

Өглөө

Өглөө сэрэнгүүтээ өлөн элэн үедээ 200мл буцалсан ус лимонтой ууснаар бид бие организмаа сэрээдэг. Хагас цагийн дараа өглөөний цай, кофе ууж болно. Ус таны хоол боловсруулах системыг бэлдээд өгсөн байгаа.

Хоолны өмнө

Хоол идэхэд ходоодоо бэлдэж, хэт их идэхээс хамгаалж хоолноос 30 минутын өмнө нэг аяга уус ууна. Ингэж ус ууснаар та бага идэх болно. Харин хоолны дундуур, хоолны дараа хагас цаг юм уугаад хэрэггүй. Хоолны дараа уусан ус ходоодны ферментыг хөөн хоол шингээлтийг удаашруулдаг.

Спортоор хичээллэх үеэр

Бэлтгэлийн үеэр бараг л 3л ус уу гэж зөвлөөд байдаг. Энэ буруу. Их хэмжээний ус бүх хорыг гадагшлуулахаас гадна микроэлемент, электролитын тэнцвэрийг алдагдуулдаг. Хамгийн сайн арга бол эхний өдөр бэлтгэлийн өмнө хойно жингээ үзэх. Таны биеийн онцлогоос хамаараад 300-1000 гр байна. Бэлтгэлийн үеэр энэ жингээ усаар нөхөхөд л хангалттай.

Хувь хүний өдрийн норм

Эрдэмтэд яг тийм хэмжээний ус уу гэсэн норм хэлж чаддаггүй. Ойролцоогоор анагаахын норм бий. Өдөрт 1кг тутамд 30мл ус уух. Жишээ нь 55кг жинтэй хүн 1,5л ус өдөрт ууна. Гэхдээ таньд цангаж байгаа мэдрэмж төрвөл ус ууна. Давс хүний биед шингэнийг барьсанаар хавагнадаг. Тиймээс давс бага хэрэглэх хэрэгтэй. Хурц халуун ногоо ам их цангаадаг тул мөн зайлсхийвэл сайн. Бага багаар ойр ойрхон уувал зүгээр. Эхний удаад цаг тутамд нэг аяга ус уух гэж та өөрийгөө хүчлэх л байх. Цаашаа 30мин тутамд нэг аяга. Тун удахгүй та сурчихна. Бага хэмжээгээр шээс хөөх шингэн, кофе уухад гэмгүй. Өглөө хавантай сэрэхийг хэн ч хүсэхгүй.

Эх сурвалж www.elle.ru