Б.ДОЛЖИНЖАВ

Монголын шинэ үеийн уран зохиолын томоохон төлөөлөгч, зохиолч, яруу найрагч, орчуулагч Г.Аюурзанын философи-уран сайхны сэтгэлгээний “Шинэ үеийн номын сан” цувралын эхний боть  “2x2=6 буюу Суут жаран сэтгэгч” номын онцлох эшлэлүүдээс хүргэж байна. Дэлхийн шилдэг философичдын афоризмууд таны харах өнцгийг бага ч атугай өөрчилнө гэдэгт итгэлтэй байна.

Эртний Грекийн долоон мэргэний анхдагч, философийг үндэслэгч Фалес

 -Ямар хүн аз жаргалтай вэ. Бие эрүүл, сэтгэл санаа тайван, билиг авьяасаа хөгжүүлж буй бол тэр чухам жаргалтай.

Философич Питтак

-Итгэж зээлдүүлсэн зүйлийг заавал буцаан өгч бай.

Яруу найрагч, Афины хууль тогтоогч Солон

-Хууль бол аалзны шүлсэрхүү юм. Сул дорой хүнийг тэр гарах газаргүй болтол нь хэрэн торлодог. Харин хүчтэй нь түүнийг тасдан одох бүлгээ.

Философич Хилон

- Найрлаж суугаа нөхөд рүүгээ биш зовлонд унасан нөхөд рүүгээ л бүхнийг орхин яарах хэрэгтэй.

Философич Биант

-Залуу наснаасаа мэргэн ухааныг л нөөцөлж ав. Түүнээс илүү найдвартай хөрөнгө гэж хаа ч үгүй.

Израйль ба Иудейн хаан Соломон

-Бүх юм түр зуурынх.

-Ухаантай болчихлоо гэж бодох үед минь ухаан надаас  хол.....

Философич Эзоп

-Зовох цагтаа сэтгэлээр бүү уна. Чи ганцаараа зовоогүй л байж таарна. Юутай ч амьд явна гэдэг үхлээс дээр.

Эртний Хятадын гүн ухаантан Лаоз

-Юм мэддэг хүн нэг их яриад байдаггүй. Ярьж байгаа хүн харин юу ч мэдэхгүй байх нь олонтаа.

Эртний Грекийн философич Сократ

-Би юу ч мэдэхгүйгээ л мэднэ.

Эртний Грекийн философич Демокрит

-Хүсэх юм багатай хүн л үнэхээр баян.

Гүн ухаантан, уран илтгэгч, төрийн зүтгэлтэн Цицерон

-Хаана сайхан байна.Тэнд эх орон байдаг.

Германы философич И.Кант

-Амьдралын сайхныг таашаалан амтлах хамгийн шилдэг арга бол ажил юм.

Германы сэтгэгч, физилогич Лихтенберг

-Юм бүхэнд ядахнаа нэг удаа эргэлзэж үз. Хоёр хоёрын дөрөв гэдэг аксиомд ч эргэлзээд үз.

Эх сурвалж:www.polit.mn