“Polit.mn” сайт “Төрсөн өдөр” буландаа аравдугаар сарын 17-нд төрсөн өдөр нь тохиодог эрхмүүдээс онцолж байна.   Өнөөдөр Өвөрхангай аймгийн Хархорин сумын харьяат, Монгол Улсын заан  Төмөрбаатарын Санчирын төрсөн өдөр тохиож байна.

Тэрээр 1980 оны аравдугаар сарын 17-ны өдөр Өвөрхангай аймгийн  Хархорин суманд тээврийн жолооч Төмөрбаатарын бага хүү болон мэндэлсэн.  Дээрээ хоёр эгчтэй болоод ч тэр үү, аав нь бага хүүтэйгээ ихэд дотно, тээврийн замд байнга хамт явдаг байсан гэдэг.  Ер нь тэрээр таван настайгаасаа эхлээд аавынхаа ЗИЛ-130 автомашины кабинаас салаагүй гэдэг билээ.  Түүний аав Төмөрбаатар насаараа тээврийн жолооч хийсэн, бөх хүүгийнхээ хамгийн том хөгжөөн  дэмжигч байсан гэдэг.  Т.Санчир нэгэнтээ “Одоо ЗИЛ-130 машин таарахаар аавтайгаа байсан дурсамж минь тодорч үнэхээр гоё байдаг. Хотын гудамжинд хаа нэг таараад өөрийн эрхгүй араас нь дагаад явж байсан үе ч бий” гэжээ. 

Улсын заан Т.Санчир 2010 оны Улсын баяр наадмын барилдаанд улсын гарьд И.Доржсамбуугаар тав давж улсын начин цол, 2012 онд улсын арслан Д.Азжаргалаар зургаа давж улсын харцага цол хүртжээ  2013 улсын арслан Х.Мөнхбаатараас сэргээш илэрсэн учир түүнд  улсын заан цол нөхөн олгосон байдаг.  2013 онд Улсын наадамд тав давсан амжилттай байна.

Танд төрсөн өдрийн мэнд хүргэе.

Эх сурвалж:www.polit.mn