Э.Дөлгөөнтамир

“Polit.mn” сайт “Төрсөн өдөр” буландаа наймдугаар сарын 22-нд төрсөн эрхмүүдээс хуульч Д.Мөнх-Эрдэнийг онцолж байна.

Тэрээр 1981 онд Д.Дэмбэрэлцэрэн, Ц.Байгалмаа нарын хүү болж Улаанбаатар хотод мэндэлжээ. Түүний аав Дашдоржийн Дэмбэрэлцэрэн Ардын Их Хурлын Тэргүүлэгчдийн газар, Улсын Их Хурлын гишүүнээр ажиллах хугацаандаа хуулийн олон төслийг боловсруулах, Монгол Улсын нийгэм, улс төр, эдийн засгийн хүрээнд хийгдэж байсан өөрчлөлт, шинэчлэлтийн эрх зүйн үндсийг боловсронгуй болгох, хуульчлан тогтооход хувь нэмэр оруулсан нэгэн. Мөн Монгол Улсын шинэ Үндсэн хуулийн төслийн анхны хувилбаруудыг боловсруулахад идэвхтэй оролцсон билээ. Д.Мөнх-Эрдэнэ 1989-1998 онд Нийслэлийн Д.Сүхбаатарын нэрэмжит хоёрдугаар дунд сургуульд сурч төгссөн. 1988-2005 онд МУИС-ийн Хууль зүйн сургуульд суралцаж эрх зүйч мэргэжил эзэмшсэн. Мөн 2001-2002 онд Германы Потсдамын Их сургуульд сурчээ. "Голомт" банкнаас хуульчийн карьераа эхлүүлж, 2007-2008 онд ХЗДХЯ-ны Хууль зүйн бодлогын газарт мэргэжилтэн, 2008-2016 онд Монгол Улсын Засгийн газрын ХЭГ-т шинжээч, Хууль эрх зүйн газрын дарга, 2016-2019 онд Нийслэлийн Засаг даргын ахлах зөвлөх, 2019 оноос "Сити" их сургуулийн Удирдах Зөвлөлийн даргаар ажиллаж байна. 2020 онд УИХ-ын сонгуульд Сүхбаатар дүүрэгт нэр дэвшиж байсан билээ. Гавьяат хуульчийн үргэлжлэл, залуу хуульчдын төлөөлөл танд Д.Мөнх-Эрдэнэд төрсөн өдрийн мэнд хүргэе.

Эх сурвалж:www.polit.mn