“Polit.mn” сайт “Төрсөн өдөр” буландаа наймдугаар сарын 20-нд төрсөн өдөр нь тохиодог эрхмүүдээс Америкийн дуучин, жүжигчин, дуу зохиогч Дэми Ловатог онцолж байна.

Дэми 2000-аад оны эхэн үед Disney Channel-ийн “Camp Rock” киноны Митчи Торрессийн дүрээрээ алдартай. Тэрээр 1992 оны 8-р сарын 20-нд Нью-Мексико мужийн Альбукерке хотод төрсөн ба өнөөдөр 32 нас хүрч байна.

Дэми Ловато хөгжмийн карьераа амжилттай эхлүүлж, анхны цомог болох “Don’t forget” (2008) нь Billboard 200 чартад хоёрдугаарт бичигдсэн ба дараагийн жилүүдэд олон цомог гаргаж “Heart Attack”, “Skyscraper”, “Sorry Not Sorry” зэрэг хит дуунуудаараа олон улсад алдартай болсон. Дэми зөвхөн урлагийн салбарт төдийгүй сэтгэцийн эрүүл мэндийн асуудал ч идэвхтэй ажиллаж, олон нийтэд ханддаг. Өөрийн амьдралдаа тохиолдсон бэрхшээлүүд, тухайлбал сэтгэл гутрал, мансууруулах бодисын хамааралтай тэмцсэн туршлагуудаа хуваалцаж, олон хүнд урам зориг өгдөг байна.

Түүнчлэн өөрийнхөө бэлгийн чиг баримжааг бисексуал хэмээн илэрхийлсэн бөгөөд энэ нь LGBTQ+ олон нийтэд хүлээн зөвшөөрөгдөхөд чухал үүрэг гүйцэтгэсэн буюу уран бүтээлчийн амьдрал, туулсан бүхэн олон хүнд үлгэр дуурайл болсон юм. Түүнд төрсөн өдрийн мэнд хүргэе.