Л.ХУЛАН

“Polit.mn” сайт “Төрсөн өдөр” буландаа долдугаар сарын 23- нд төрсөн өдөр нь тохиодог эрхмүүдээс алдарт “Harry Potter” киноны гол дүр Даниел Жейкоб Редклиффийг онцолж байна.

 Z үеийнхний дунд Харри Поттерийн дүрээрээ алдартай Английн жүжигчин, алдартай үргэлжилсэн үгийн зохиолч Даниел Жейкоб Редклифф өнөөдөр буюу долдугаар сарын 23-ны өдөр 35 нас хүрч байна.

Даниел Жейкоб Редклифф  анх 5 насандаа жүжигчин болох хүсэл сонирхлоо олж, 1999 онд 10 насандаа BBC One сувгийн “David Copperfield” кинонд илбэчний бага насны дүрд тоглосон нь тухайн үед Харри Поттерын дүрийг бүтээх олонд танигдаагүй ч гайхалтай бүтээж чадах хүүхэд хайж байсан кино багийнханд тун их таалагдаж, продюсер Дэвид Хэйман түүнийг сонгон шалгаруулалтанд урьж, 8 сар үргэлжилсэн сонгон шалгаруулалтанд тэнцсэн. Дэлхий даяар хамгийн их ашиг орлог олсон кино цуврал 10 жил үргэлжилсэн Харри Поттерын 7 цуврал зохиолын сүүлийн анги 2011 онд дэлгэцэнд гарчээ. Энэ цувралын хажуугаар Даниел хэд хэдэн кино, театрын бүтээл, мөн тв-ын цувралууд, видео клипэнд дүр бүтээгээд авчээ.

Тэрээр хөвгүүдийн тусгай 2 сургуульп сурч байсан ч Харри Поттер кино гарсны дараагаар сургуульдаа явахад хүндрэлтэй болж гэрийн багштай байсан ч тийм ч сайн сурдаггүй байсан талаараа нэгэн ярилцлаганп дурджээ. Мөн 2008 онд 18 настайдаа архи согтууруулах ундааны хамааралтай болж донтсон ч 2010 онд энэ зуршлаа хаяж чаджээ.

Даниел  шүлэг яруу найраг сонирхпог бөгөөд Жэйкоб Грешон гэх нэрээр өөрийн хэд хэдэн шүлгийг хэвлүүлсэн байна.

Жүжигчин залуу 2012 оны 10 сараас эхлэн жүжигчин Эрин Дарктай болзож эхэлсэн бөгөөд хосууд 2014 онд сүй тавьж 2023 оны 3 сард гэр бүл болсноо зарлаж  анхны хүүхдээ өлгийдөн авсан юм.

Эх сурвалж: www.polit.mn