М.Чинбилэг

“Polit.mn” сайт “Төрсөн өдөр” буландаа зургаадугаар сарын 19-нд төрсөн өдөр нь тохиож буй Их Британийн 77 дахь Ерөнхий сайд Борис Жонсоны тухай онцолж байна.

Борис Жонсон нь 1964 оны энэ өдөр Нью-Йорк хотноо Британи гэр бүлд ууган хүү нь болон мэндэлжээ. 1969 онд буюу Жонсоныг таван настайд нь гэр бүлээрээ Их Британид буцаж ирсэн бөгөөд түүний хүүхэд нас Вест Нетеркот фермд өнгөрсөн аж. Жонсон хүүхэд байхдаа даруу төлөв, хичээл зүтгэл сайтай хүүхэд байжээ. Жонсоны анхны амбийц нь “Дэлхийн хаан” болох мөрөөдлөөр илэрч байж. Тэрээр Итон коллежид тэтгэлэг авч, дараа нь Оксфордын Баллиол коллежид сонгодог урлагт суралцсан. Тэрээр 1987 онд “The Times” сонины сурвалжлагчаар ажиллаж эхэлсэн ч эшлэл зохиосон хэргээр ажлаас нь халжээ. 1994 онд “Жонсон The Spectator” сэтгүүлийн улс төрийн тоймч болж, 1999 онд сэтгүүлийн эрхлэгчээр томилогдон 2005 он хүртэл энэ албан тушаалд ажилласан. 2007 оны есдүгээр сард Консерватив намаас хотын даргад нэг дэвшиж 53 хувийн санал авч Хотын даргаар ажиллаж эхэлжээ. Унадаг дугуйн хөтөлбөрийг нэн даруй эхлүүлж улмаар “Борис дугуй” гэж алдаршжээ. Үүний дараа нийтийн тээврийн хэрэгсэлд согтууруулах ундааг хориглох ажлыг амжилттай явуулж хотын даргын ажлаа онц сайн эхлүүлсэн гэдэг. 2019 оны долдугаар сарын 24-нд Жонсон Консерватив намын даргаар сонгогдсоны маргааш Хатан хаан II Элизабет Тереза Мэйгийн огцрох өргөдлийг хүлээн авч, Жонсоныг Ерөнхий сайдаар томилов. Энэ нь Жонсоныг Британийн нутаг дэвсгэрээс гадна төрсөн анхны Ерөнхий сайд болсон тохиолдлын эзэн болгосон. 2019 – 2022 оныг хүртэл гурван жил гаруйн хугацаанд Их Британи улсын Ерөнхий сайдын албыг хашжээ.

Эх сурвалж:www.polit.mn