Ц.Норовжамбал

“Polit” хуанли: “Төрсөн өдөр” буландаа гуравдугаар сарын 3-нд төрсөн өдөр нь тохиож буй Монгол Улсын тав дахь Ерөнхийлөгч Х.Баттулгыг онцолж байна.

Ерөнхийлөгч асан Х.Баттулга нь 1963 оны энэ өдөр айлын хоёр дахь хүү  болон мэндэлж байжээ.  Тэрбээр өнөөдөр 61 нас хүрч байна.   Мөн 1965  оны энэ өдөр түүний дүү болох Х.Баттуул мэндэлж байсан нь бас нэгэн содон тохиолдол.  Тэд  нэгэн цаг үед Монголын чөлөөт болон самбо бөхийн шилдгүүд байсан юм.  Х.Баттулга нийслэлийн 34 дүгээр сургуулийг 1978 онд төгсөж, 1982 онд  Дүрслэх урлагийн дунд сургуулийг зураач мэргэжлээр төгссөн.  Тэрбээр зураач мэргэжилтэй ч спортын салбарын зүтгэлтэн болж, Монголын улс төрд төрийн тэргүүнээр сонгогдтолоо зүтгэсэн нэгэн.  Өөрөөр хэлбэл, Х.Баттулга жирийн нэгэн тамирчин,  жирийн нэгэн зураачаас  Ерөнхийлөгч хүртэл дэвшиж чадсан нь түүний хичээл зүтгэл ямархуу хэмжээнд байсан гэдгийг харуулна. Монголын болон Дэлхийн жүдо бөхийн холбооны хүндэт гишүүн Монгол Улсын тав дахь ерөнхийлөгч танд төрсөн өдрийн мэнд дэвшүүлье.

Эх сурвалж:www.polit.mn