З.БАТЦЭЦЭГ

Ханхүү Эндрю бол Йоркийн гүн, Их Британийн хатан хаан II Елизаветагийн дунд хүү, Чарльз III хааны дүү юм. Тэрээр хаан ширээг залгамжлах жагсаалтын наймдугаарт бичигдэж байна.

Эндрю Альберт Кристиан Эдвард 1960 оны хоёрдугаар сарын 19-нд төрсөн. Тэр том ах Чарльз, эгч Анна нарын дараа хааны гэр бүлийн 3 дахь хүүхэд болон мэндэлжээ. Хэвлэл мэдээллийн хэрэгслүүдийн мэдээлснээр Эндрю бусад хүүхдүүдтэй харьцуулахад ээжийнхээ анхаарлыг ихэд татдаг байсан тул тэрээр ээжийн хайртай ххүхэд гэдэг нэрийг олж авсан. Энэ шалтгааны улмаас эсвэл түүний зан чанарын онцлогоос шалтгаалан ирээдүйн гүн өөрийн эрх өссөн чанараа нуудаггүй бөгөөд нөхцөл байдлын үр дагавараас үл хамааран шийтгүүлэхгүй гэдэгт үргэлж итгэлтэй байдаг байв.

Хатан хааны намтарч Найджел Кавторн зохиолдоо хүүг гэрийн "босс" гэж нэрлэдэг байсан тухай бичжээ.

Эндрю бага боловсролыг Хидердаун хотод эзэмшиж, дараа нь Шотландын элит сургуульд сурсан. Гордонстоун сургуулиа төгсөөд цэргийн албанд өөрийгөө зориулахаар шийдэн ээжийгээ баярлуулжээ.

Ханхүүгийн цэргийн намтар нь Хатан хааны тэнгисийн цэргийн коллежоос эхэлсэн бөгөөд тэрээр нисдэг тэрэгний удирдлагын үндсийг сурч, жинхэнэ нисгэгч болжээ. 1982 онд түүнийг "Ялагдашгүй" нисэх онгоц тээгч хөлөг онгоцонд алба хааж байх үед Фолкландын дайн эхэлж, хатан хааны хайртай хүү нэг бус удаа ялгарч, ээж нь түүгээр улам их бахархаж эхлэв. Дайн албан ёсоор дуусахад II Елизабета Портсмутад хүүгээ биечлэн тосжээ.

Дэслэгч цолтой байхдаа ханхүү цэргийн карьераа үргэлжлүүлж, Британийн тэнгисийн цэргийн хүчинд алба хааж байжээ. Дунд хүү нь 1987 он хүртэл Хатан хааны хувийн туслахаар бүртгэгдэж, дараа нь офицер цол хүртэж устгагч онгоцонд алба хааж байхдаа нисдэг тэрэгний нисгэгчээр ажиллаж, мина тээгч Коттесмор хөлөг онгоцыг нэг жил командлаж байжээ. Цэргийн албыг дуусгах эцсийн шийдвэрийг 2001 онд гаргасан. Дөрвөн жилийн дараа тэрээр ахмад цолоор шагнуулж, хэсэг хугацааны дараа контр-адмирал, дэд адмирал цол хүртжээ.

Хааны гэр бүлд тогтсон уламжлалын дагуу Йоркийн гүн буяны үйл ажиллагаанд идэвхтэй оролцож, вант улсад ашигтай гэрээ, худалдааны эвсэл байгуулахын тулд гадаад дахь нөлөө бүхий хүмүүстэй түншлэлийн харилцаа тогтоожээ.

Ханхүү мөн Арабын Нэгдсэн Эмират улсад худалдааны төлөөлөгчдийг дагалдан ирсэн нь Британийн компаниудын ирээдүйн чухал зах зээлийг төлөөлсөн юм. Trade & Investment болон Pitch@Palace-тай хамтран ажилласан нь анхаарал их татсан.

Хатан хааны гэр бүлийн гишүүд үргэлж онцгой анхааралын төвд байдаг. Мөн сэтгүүлчид мэдээлэл авахын тулд тэдний хувийн амьдралЫГ микроскопоор харахад бэлэн байдаг. олны анхаарлыг татсан зүйл бол Сара Фергюсонтой хайр сэтгэлийн холбоотой болсон явдал юм. Ээж нь хүүгийнхээ сонголтод сэтгэл хангалуун бус байсан ч гэрлэлтэнд нь саад болоогүй. Тиймээс 1986 онд Вестминстерийн сүмд томоохон хурим болж, ханхүү Йоркийн гүн болов. Намтарчид энэ үеийг Эндрюгийн амьдралын хамгийн тайван үе гэж нэрлэдэг. Тэд Беатрис, Евгения гэх 2 охинтой.

Гүн ажилаар ихэвчлэн урт удаан аялалд явах шаардлагатай болдог байсан бөгөөд хосууд жилийн ихэнх хугацаанд бие биетэйгээ уулздаггүй байв. Гүн эхнэртээ үнэнч биш гэсэн яриа гардаг байсан бөгөөд эхнэр нь ч мөн түүнийг хүлээгээд гэртээ зүгээр сууж байдаггүй байв. Сараг газрын тосны магнат Стив Уайаттай холбоотой гэж сэжиглэж эхлэв. Усан сангийн дэргэд амрагтайгаа хамт зугаацаж байсан папарацци зураг тархжээ.

Угсаа залгамжлах хунтайжийн нэр хүнд залуу наснаасаа олон асуултыг төрүүлжээ. Эндрю Ливийн дарангуйлагч Саиф аль-Ислам Каддафигийн хүүтэй эргэлзээтэй нөхөрлөж байсан нь олны анхаарлын төвд орсноор энэ нь эхэлсэн юм. Гүнгийн найзуудын дунд хэцүүхэн намтартай хүмүүс олон байдаг. Үүний нэг жишээ бол зэвсэг хууль бусаар хил давуулсан хэргээр хорих ял эдэлж байсан Тарек Кайтуни юм. 2005 онд Эндрюгийн найз, тэрбумтан Жеффри Эпштейн насанд хүрээгүй охиныг уруу татсан хэрэгт буруутгагдав. Тэрбумтны хэрэг үргэлжилж байх үед нэгэн Виржиниа Жиффре түүнийг Элизабетын хоёр дахь хүү дарамталсан гэж мэдэгджээ. Арван долоон настайдаа бэлгийн боолчлолд орсон Виржиниа Лондон дахь шөнийн цэнгээний газруудын нэгэнд аваачсан бөгөөд тэнд өндөр албан тушаалтай язгууртан түүнийг анзаарчээ. 2019 оны долдугаар сард Ж.Эпштейн дахин хүний ​​наймааны хэрэгт буруутгагдаж, мөрдөн байцаалтыг тэсвэрлэж чадалгүй шоронгийн өрөөнд амиа хорложээ. В.Жиффре ярилцлага өгөхдөө боолчлол, доромжлолын эсрэг тэмцэлд британичуудыг туслахыг илэн далангүй уриалсан байна. Йоркийн гүн тэр охиныг хэзээ ч хараагүй гэж мэдэгдсэн бөгөөд үүний хариуд хүчирхийллийн хохирогчтой авахуулсан зургийг олон нийтэд дэлгэв.

Өнөөдөр Эндрю унасан нэр хүндээ сэргээхийн тулд бүх хүч чадлаараа хичээж байгаа бөгөөд үүнд идэвхтэй PR-чид түүнд тусалж байна. Тиймээс тэрээр хуучин эхнэр Сара Фергюсонтойгоо хамт цар тахлын үеэр эмнэлгийн ажилтнуудад бэлэг боов. Багц бүр нь хувийн хамгаалалтын хэрэгсэл агуулсан байв.

Эндрюгийн ёс суртахуунгүй үйлдэлтэй холбоотой шуугианаас олон нийт бага зэрэг сатаармагц 2021 онд Виржиниа Робертс (Жиффре) хунтайж Эндрюгийн эсрэг Манхэттэний шүүхэд нэхэмжлэл гаргахаар ажиллаж эхэлжээ. Энэ удаад түүнийг хэд хэдэн хүчингийн хэрэгт буруутгав: алдарт Гислейн Максвеллийн харшид, санхүүч Жеффри Эпштейн хувийн арал дээрх орон сууцанд. Эдгээр үйл явдлын үеэр охин дөнгөж арван долоон 17 настай байжээ. Цуврал бэрхшээл үүгээр дууссангүй- Меган Маркл гэрлэхээсээ өмнө Йоркийн гүнтэй холбоотой байсан гэсэн таамаглалаар интернет дүүрэн байв. Интернэт хэрэглэгчид дан ганц таамаглалаар зогссонгүй, Мегантай төстэй эмэгтэй гүнгийн дэргэд байсан гэрэл зургуудыг нийтлэв. Шүүх хуралдааны төгсгөлд The ​​New York Times эцсийн шийдвэрийг мэдээлэв. Эндрю хохирогчид их хэмжээний мөнгө төлөх ёстой болжээ.

Буяны ажилд оролцох, амьдралын хэв маягаа өөрчлөх, нэр хүндээ сэргээх бусад оролдлого нь хүлээгдэж буй үр дүнг хараахан өгөөгүй байгаа бөгөөд Эндрю залуу насанд түүнд тохиолдсон үйл явдлын сүүдэрт байсан хэвээр байна.

Эх сурвалж: www.polit.mn