Ц.БАЯР

Шинэ сэргэлтийн бодлогын хүрээнд 98 төсөл, хөтөлбөр хэрэгжүүлэх ёстой. Эдгээр төсөл хөтөлбөрийн хэрэгжилтийг зохион байгуулж, оролцогч байгууллага салбарын үйл ажиллагааны уялдааг хангах, төслийг  хурдасгах, судалгаа, шинжилгээ хийж, хязгаарлагч хүчин зүйлийг илрүүлж хэрэгжүүлэгч  яам болон агентлагт мэргэжлийн дэмжлэг үзүүлэх  зорилгоор  Засгийн газрын Хэрэг эрхлэх газрын  дэргэд “Шинэ сэргэлтийн бодлогын Хурдасгуур төв”- ийг байгуулсан. Тус төв өнөөдрийн байдлаар Эрчим хүч, Боомт буюу тээвэр ложистек, Төрийн бүтээмж, Дата центр  гэсэн дөрвөн чиглэлийн төсөл дээр судалгаа шинжилгээ хийж байна. Нийт төслийн 60 нь эхлэлийн шатандаа яваа бол 34 нь санхүүгийн эх үүсвэр нь тодорхой болсон аж.  Судлгаа шинжилгээний дүн гараагүй байгаа ч зарим төслүүдэд хязгаарлагч хүчин зүйлийг  илрүүлж тухайн хэрэгжүүлэгч яам болон агентлагын мэргэжилтнүүдэд сургалт хийж мэргэжлийн тусалцаа  үзүүлж  эхэлсэн аж. Тухайлбал,  Эрчим хүчний эх үүсвэрийг нэмэхгүйгээр аж үйлдвэрийн сэргэлт богино хугацаанд үр дүн харагдахгүй. Түүнчлэн Боомтын сэргэлтийн хүрээнд тээврийн зардлыг бага байлгаж цаг хугацааг түргэсгэхгүйгээр үр дүнтэй эсэх нь эргэлзээтэйг судалгаа харуулж байна хэмээн тус төвийн гүйцэтгэх захирал, эдийн засагч Б.Дөлгөөн сэтгүүлчдэд өнөөдөр танилцуулсан юм. Одоогоор дээрх чиглэлийн төслүүдэд судалгааны ажлууд үргэлжилж байгаа юм байна. Мөн Нийтийн тээврийн түгжрэл бууруулах төслийн хязгаарлагч хүчин зүйлд судалгаа хийхээр болж байгаа аж. Хурдасгуур төвийн судалгааны үр дүнд хамгийн бага зардлаар богино хугацаанд жишээлбэл, түгжрэлээс хэрхэн гарах эдийн засгийн тооцооллыг хийнэ гэсэн үг. Энэ мэтээр төслүүдийг хурдасгахад тус төвийн үйл ажиллагаа чиглэнэ.   

Эх сурвалж: www.polit.mn