Т.САЙХАН

Аялал жуулчлалыг хөгжүүлэх үндэсний хороог Ерөнхий сайд Л.Оюун-Эрдэнэ ахалж буй.   Тус хорооны үйл ажиллагааны талаар Соёлын сайд Ч.Номин мэдээлэл хийлээ. Тэрбээр “Монгол Улсыг олон улсад сурталчлан таниулах, Монгол Улсын бүтээгдэхүүн үйлчилгээний хувьд буюу олон улсад таниулах соёлын аялал жуулчлал болон аялал жуулчлалын хувьд гаргаж ирэх арга хэмжээ юу байх вэ гэдэг хоёр ажил дээр голчлон ажиллаж байна. Монгол Улсын хувьд нэгдсэн байдлаар олон улсад өөрсдийгөө таниулж, сурталчилсан  нь ховор байсан. Тиймээс Монгол Улсыг олон улсад хэрхэн сурталчлан таниулах вэ гэдэг төлөвлөгөө гаргасан. Энэ төлөвлөгөөг хэрэгжүүлэхийн тулд нэн тэргүүнд Монгол Улсыг илэрхийлэх түлхүүр үг, өнгө төрхийг боловсруулсан. Монгол Улсыг гадаадад нэгдсэн байдлаар хэрхэн олон улсад таниулах вэ гэдэг дээр Гадаад харилцааны яам, Байгаль орчин аялал жуулчлалын яам, Соёлын яам хувийн хэвшил холбоодуудтайгаа ирэх гурван жил хамтран ажиллана. Монгол Улсыг ирэх гурван жилд сурталчлах нэгдсэн календер гаргаж Засгийн газраар батлуулна” хэмээлээ.

Эх сурвалж:www.polit.mn