Б.ОД

Өнөөдрийн байдлаар улсын хэмжээнд хүчин төгөлдөр 2500 орчим тусгай зөвшөөрөл байна. Үүнээс ашиглалт 67 хувьтай байгаа бол хайгуул 33 хувьтай үргэлжилж байгаа юм.

Энэ талаар АМГТГ-ын  Уул уурхайн хэлтсийн мэргэжилтэн Х.Лхагвабаатар "Аравдугаар сарын байдлаар хүчин төгөлдөр 2500 орчим тусгай зөвшөөрөлтэй байна. Харин 2005 онд тусгай зөвшөөрлийн тоо 6000 орчимд хүрч байсан. Үүнийг өнөөгийн үзүүлэлттэй харьцуулбал тусгай зөвшөөрөл 2.3 дахин буурсан. Өөрөөр хэлбэл, уул уурхайд ихэнх лицензийг өгдөг гэдэг нь өрөөсгөл гэсэн үг. Одоогоор ашиглалт, хайгуул нийлээд дөрвөн хувьд ч хүрэхгүй бага хэмжээтэй болоод байгаа юм. Тэгэхээр өмнөх статистик мэдээллийг 2022 оныхтой харьцуулахад харьцангуй буурсан үзүүлэлттэй.Дээр дурдсанчлан Монгол Улсын нийт экспортын 90 гаруй хувийг уул уурхайн бүтээгдэхүүн эзэлж байна. Тэгвэл голлох экспорт нь зэс, нүүрс, төмрийн хүдэр юм. Тухайлбал, 2019 онд Монголд нүүрсний экспорт харьцангуй өндөр үзүүлэлттэй байлаа. Хамгийн дээд түвшиндээ 36 сая тонн хүрч байсан. Улмаар цар тахлын нөлөөгөөр нүүрсний экспортын хэмжээ буурсан" гэв.

Эх сурвалж:www.polit.mn