Т.САЙХАН
УИХ-ын чуулганы үдээс хойших нэгдсэн хуралдаанаар Засгийн газрын шинэ гишүүн буюу Хөдөлмөр, нийгмийн хамгааллын сайдаар томилогдож буй Т.Аюурсайхан УИХ-д тангараг өргөв. Т.Аюурсайхан "ХНХЯ бол гурван сая хүн амын амь, амьдралын асуудлыг хариуцдаг. Тиймээс энэ салбарыг хариуцаж ажиллах нь зүйтэй гэж Монгол Улсын Ерөнхий сайд үзээд, тухайн ажлыг санал болгосон. Нийгмийн даатгалын багц хуулийн асуудал хүлээгдэж байгаа. Энд томоохон реформ хийх шаардлагатай. Түүнчлэн нийгмийн даатгалын сангийн төсөв байнгын алдагдалтай байдаг. Тиймээс үүнийг өөрчилнө. Харин хүүхдийн мөнгийг хэрхэн хуваарилахаа иргэдийн саналаар шийднэ. Түүнчлэн ядуурлыг бууруулах арга хэмжээ авна. Сайдын ажил шагнал биш. Ачаалал ихтэй, хүнд хэцүү ажлыг хариуцаж авах үүрэг даалгавар авлаа" гэв.
Эх сурвалж:www.polit.mn