Т.САЙХАН

"Өргөө" амаржих газрын захирал Ж.Энхцэцэгийг ажлаас чөлөөлсөн асуудлаар Эрүүл мэндийн сайд С.Энхболд тайлбар хийлээ. Тэрбээр " Эрүүл мэндийн яамнаас аравдугаар сарын 12-ны өдөр Ж.Энхцэцэгийг “Өргөө” амаржих газрын даргаас чөлөөлсөн.  Тус газрын дэд захирлаар цагдаагийн байгууллагад 20 орчим жил ажиллаад, гавьяаныхаа амралтад суусан хүнийг энэ оны долдугаар сараас эхэлж ажиллуулсан байгаа юм. Мөн дээрээс нь өөрийнх нь хуулийн зөвлөх гээд цагдаагийн байгууллагад ажиллаж байсан хүн байгаа. Эдгээр хүнийг бүгдгийг нь ажлаас чөлөөлнө. Тухайн байгууллагын дарга эдгээр хүнийг албан тушаалд томилсон. Эрүүл мэндийн сайд байгууллагын даргыг л томилдог. Цагдаагийн байгууллагад ажиллаж байсан хүн эрүүл мэндийн байгууллагад ажиллана гэсэн тодорхойлолт байдаггүй. Түүнчлэн тэр хүний эрхэлж байсан албан тушаал нь төлөвлөлт хариуцсан дэд захирал. Энэ албан тушаалд эрүүл мэндийн байгууллагад ажиллаж байсан, эдийн засгийн суурьтай хүн ажиллах ёстой. Нэгдүгээр төрөх эмнэлгийн тодорхой албан тушаалтнуудад хариуцлага тооцож байгаа. Өнөөдрөөс эхлэн энэ байгууллагын үйл ажиллагаа хэвийн явагдаж байна" гэлээ.

Эх сурвалж:www.polit.mn