Б.ОД

УИХ-ын чуулганы нэгдсэн хуралдаанаар Б.Пүрэвдорж гишүүн малын өвс тэжээлийн албан татварыг чөлөөлж, малчдын орлогыг дэмжин ажиллах талаар байр сууриа илэрхийллээ.

Тэрбээр "Малчдын өвөлжилтийн бэлтгэл ажлыг хангах талаар яриа гарсан боловч бодитой нэг ч ажил хийсэнгүй. Иймээс Ерөнхий сайдад малын өвс тэжээлийг гааль болон НӨАТ-ын албан татварыг чөлөөлөх албан бичгийг өгсөн. Хэрвээ энэ татвараас чөлөөлөх юм бол нэг шуудай хорголжин тэжээл ойролцоогоор 9000 орчим төгрөгөөр хямдрах боломжтой.Малчдын татварын асуудлыг шийдэж чадвал махны үнэ буурсан энэ үед хэдэн шуудай ч болов хорголжин тэжээл авч муудсан малаа тэжээх боломж нь бүрдэх юм. Үүнийг Хүнс хөдөө аж ахуй, хөнгөн үйлдвэрийн яамнаас (ХХААХҮЯ) асуухаар манайд хангалттай хэмжээний малын хивэг байгаа гэж хариулдаг. Гэвч малын хивэг баруун аймгуудын нутгаар асар өндөр үнээр зарагддаг.  Баруун аймгуудын нутгаас ирсэн малын өвс тэжээлийн татварыг тэглэх асуудлыг Засгийн газрын хуралдаанаар яаралтай шийдэх шаардлагатай.  Х.Болорчулуун сайд Дорнод аймгаас сонгогдсон. Тус аймагт малын өвс тэжээлийн асуудал байдаггүй. Гэтэл манай баруун аймагт чулуу долоох нь холгүй явж байж мал нь тарга авдаг" гэв.

 Эх сурвалж:www.polit.mn