Т.САЙХАН

ХБНГУ-д албан ёсны айлчлал хийж буй Ерөнхий сайд Л.Оюун-Эрдэнэд тус улсын бизнесийн төлөөлөл бараалхлаа. Уул уурхайн зөвлөгөө, олборлолтын DMT компани, хөрөнгө оруулалтын зөвлөгөө үйлчилгээний “Вийзэ” консалтинг компани, сэргээгдэх эрчим хүчий WPD компанийн удирдлагууд Ерөнхий сайдтай тус тус уулзлаа. WPD компани Өмнөговь аймгийн Ханбогд суманд 120 мВт-ын салхин парк байгуулахаар ажиллаж байна. Ирэх оны гуравдугаар сард барилгын ажил нь эхлэх гэж буйг танилцуулж, Ерөнхий сайд дэмжиж ажиллахаа илэрхийлсэн байна.

Эдгээр уулзалтын үеэр Монгол Улсын уул уурхайн бүтээгдэхүүнд нэмүү өртөг шингээх болон хөрөнгө оруулалтын орчны талаар ярилцаж, санал солилцлоо.

“Эдийн засаг, бизнесийн чиглэлээр хоёр улсын хоорондын хамтын ажиллагааг өргөжүүлэхэд анхаарч ажиллаж байна. Герман улс бол автомашин үйлдвэрлэлээрээ дэлхийд тэргүүлэгч улсын нэг. Үүнтэй холбоотойгоор цахилгаан машин үйлдвэрлэх зэс, өнгөт металлын үйлдвэрлэлээр Монгол Улстай хамтарч ажиллах боломжууд нээгдэж байна" гэж Эдийн засаг, хөгжлийн сайд Ч.Хүрэлбаатар онцолжээ.

Эх сурвалж:www.polit.mn