Б.ОД

Төсвийн байнгын хорооны хуралдаанаар УИХ-ын гишүүн Ц.Идэрбат Ахмад настны хуульд өөрчлөлт, шинэчлэл оруулах болон Ахмадын санг байгуулах эсэх талаар асуув.

Түүний асуултад Хөдөлмөр, нийгмийн хамгааллын дэд сайд Л.Зулпхар "Хамгийн гол асуудал нь аудитыг дандаа акталж байдаг. Жишээлбэл, ахмадын сантай байж ч болдоггүй, сангүй байж ч болдоггүй. Гэвч хуулиар бол байх ёстой. Төрийн 390 байгууллага шинээр сантай болсон. Худалдан авах үйл ажиллагаа болон ахмадын сантай холбоотой асуудалд тохирсон тохиргоог нь хийж өгөх талаар аудитын байгууллагад албан ёсны баримт бичгийг хүргүүлнэ.Ахмад настны хуульд өөрчлөлт орохоор болбол давхар халамжийн хуульд өөрчлөлт орно. Энэхүү хуульд шинэ зохицуулалтыг хийж байгаа. Шинэ засаглалын хэлбэрээр ахмад руу чиглэсэн халамжийн бодлогыг үйлчилгээ хэлбэрээр хүргэх нөхцөлийг бүрдүүлнэ. Үүнийг төрийн байгууллагууд бие дааж бүрэн хэрэгжүүлэх боломж хязгаартай. Тиймээс төрийн бус байгууллагуудыг оролцуулах шинэчлэлийг хийж байна" гэв.

Эх сурвалж:www.polit.mn