Б.ОД

Хүнс хөдөө аж ахуй, хөнгөн үйлдвэрийн сайд Х.Болорчулуунаас гурилын үнийн асуудлыг тодрууллаа.

Тэрбээр  “Улаан буудайн үнэ өмнөх жилийнхээс өссөн. Мөн бордооны үнэ 100 хувиар, ургамал хамгааллын үнэ 80 хувиар, газар тариалангын зардал 60 хувиар өсөөд байгаа. Сүүлийн 5-6 жилийн турш гурилын үнэ нэмэгдээгүй байсан. Энэ удаад зайлшгүй шаардлагаар нэмэгдэж байгаа.Гурилын үнийг Хүнс хөдөө аж ахуй, хөнгөн үйлдвэрийн яам тогтоодоггүй. Энэ нь зах зээлийнхээ зарчмаар л тогтдог жамтай. Үнэ тогтворжуулах хөтөлбөрийн хүрээнд аж ахуй нэгж, гурилын үйлдвэрүүд 15 хувийн хүүтэй зээл авахад түүнийг тав болгож өгч байгаа. Нийт гурилд ордог улаан буудайн үнэ өсчихөөд байхад тогтоон барих боломжгүй байна. Гэвч зах зээлийн ханшаар л бид худалдаж авч байгаа болохоор яах ч аргагүй нэмэгдэж байгаа юм.Хуультай гээд хуулиар барьж болохгүй нөхцөл үүсээд байна. Улаанбуудайн өөрийх нь өртөг 60 хувь өсөөд байгаа. Өмнө нь савласан цэвэр уснаас ч хямд байсан. Цаашид энэ тогтсон үнэ нэмэгдэхгүй байх. Шууд үнийг барих боломжгүй. Үнийг хүчээр буулгах ямар ч боломжгүй” гэв.

Эх сурвалж:www.polit.mn