С.САРУУЛ

Эх, нярай, эмэгтэйчүүдийн үндэсний төвийн Хүүхдийн эмнэлэг хариуцсан дэд захирал, доктор, клиникийн профессор У.Цэвэгмид Томуу өвчний талаар мэдээлэл өглөө. Тэрбээр “Томуу төрлийн 200 вирусээс арваад нь бүртгэгдсэн. Эх, нярай, эмэгтэйчүүдийн үндэсний төвийн яаралтай түргэн тусламжийн тасгаар 24 цагийн дотор 200 орчим хүүхэд ирж байна.Өвчлөлийн бүтэц, зовуурь шинж тэмдгийг ажиглагдахад дийлэнх нь реновирусийн халдвар байна. Энэ нь хамар залгиурт вирусийн үржил явагддаг. Гол шалтгаан нь даарсантай холбоотой.Хамар шархирч өвдөх, ханиалгах шинж тэмдэг илэрдэг. Биеийн хэмийг 37 градус руу нэмэгдүүлбэл энэ вирусийн үржил зогсдог онцлогтой тул бага насны хүүхдийг дулаан хувцаслаж, халуун бүлээн хоол унд идүүлбэл энэ вирусээс сэргийлэх боломжтой.Мөн энтеровирусийн халдвар нь гар хөлийн салаагаар цэврүүт тууралт гардаг. Энэ вирустэй холбоотойгоор менингитийн шинжүүд нэлээн бүртгэгдэж эхэлж байна” гэлээ.

Эх сурвалж: www.polit.mn