Б.ОД

2022 онд нийслэлийн ногоон байгууламжийг нэмэгдүүлэх, иргэдэд ая тухтай орчин бүрдүүлэхэд чиглэсэн бүтээн байгуулалт, тохижилтын талаар Нийслэлийн Засаг дарга Д.Сумъяабазар өнөөдөр мэдээлэл өглөө.

Тэрбээр “Нийслэлийн ногоон байгууламжийг нэмэгдүүлэх тал дээр бид онцгой анхаарч ажиллаж байгаа. Үүний тод жишээ бол Богдхан уулын Дугуй цагаан орчмыг тохижуулах ажлыг хуулийн дагуу эхлүүлсэн нь одоо 95 хувьтай үргэлжилж байна.Дугуй цагааны тохижилт арваннэгдүгээр сарын 15-н буюу өвлийн улирал эхлэхээс өмнө дуусгана гэдэг амлалтыг ажил ахалж явуулж буй хувийн хэвшлийнхэн өгч байгаа" гэв.

Үргэлжлүүлэн "Дараагийн нэг тохижилт бол Төв цэнгэлдэх хүрээлэнгийн тохижилтын ажил байсан. Сэтгэл гаргаж чадвал орчны тохижилтыг бүрэн хийх бололцоо бүрддэг гэдгийг бид үүгээр харуулахыг хичээсэн. Мөн туул голын эрэг дагуух тохижилтын ажил 90 хувийн гүйцэтгэлтэй байгаа бол Бага тэнгэр орчмын 3.8 га газрын тохижилт үргэлжилж байна” гэсэн юм.

Эх сурвалж:www.polit.mn