Б.ДАРЬСҮРЭН

ШӨХТГ-ын “Хэрэглэгчийн мэдээллийн төв”-д 121 иргэн хандсанаас 115 дугаарын утсанд 98, чатботод гурав, и-баримт аппликейшнд тав, Засгийн газрын иргэд олон нийттэй харилцах “11-11” төвөөс 15 гомдол мэдээлэл иржээ. Үүнээс 61 иргэнд зөвлөгөө мэдээлэл өгч, нэг иргэний гомдол чанаргүй байдлаар бүртгэгдэж, 46 иргэний гомдол, мэдээлэл судлагдаж хариу өгөхөөр хүлээгдэж, дөрвөн иргэний гомдлыг санал, хүсэлтээр хүлээн авч хариуцсан албан тушаалтанд мэдэгджээ. Харин нэг иргэний гомдол өргөдлөөр шилжиж, найман иргэний гомдлыг эцэслэн шийдвэрлэсэн байна. 

Түүнчлэн найман иргэний 2.1 сая төгрөгийн хохирол барагдуулж, дөрвөн иргэний барааг шинээр сольж өгөх, засвар үйлчилгээ үзүүлэх, болон бусад байдлаар ирүүлсэн гомдлыг шийдвэрлэжээ. Ирүүлсэн гомдлыг салбараар нь авч үзвэл худалдаа үйлчилгээ 41, харилцаа холбоо найм, хөдөлмөр нийгмийн халамж үйлчилгээ нэг, цахилгаан дөрөв, шатахуун гурав, эрүүл мэндийн үйлчилгээтэй холбоотой хоёр, банк, санхүү, даатгал 11, барилга тав, боловсрол хоёр, НЗАА-ны үйл ажиллагаатай холбоотой дөрөв, контор 13, НӨАТ-ын баримттай холбоотой нэг, СӨХ-ны хоёр, тасалбартай холбоотой хоёр, бусад асуудлаар 19 иргэн ханджээ. 

"Хэрэглэгчийн мэдээллийн төв"-д өнгөрсөн долоо хоногт 139 иргэн хандсанаас 10 иргэний гомдлыг эцэслэн шийдвэрлэлээ.

Эх сурвалж: www.polit.mn