Т.САЙХАН

Өнөөдөр ахмадын баярын өдөр. Монгол Улс энэ өдрийг 1992 оноос эхлэн тэмдэглэж ирсэн юм. НҮБ-аас анх 1990 онд ахмад настны баярыг тэмдэглэх шийдвэр гаргаснаар дэлхийн олон орон жил бүрийн 10 дугаар сарын 1-ний өдрийг ахмад настнуудаа баярлуулах, хүндлэх, эрх ашгийг нь хамгаалах үйл ажиллагааг зохион байгуулан тэмдэглэдэг. Манай улсын хэмжээнд 300 мянга гаруй ахмад настан энэ өдрийг тэмдэглэдэг.

Манай улсад энэ оны гуравдугаар улирлын байдлаар нийт хүн амын 7.8 хувийг 60-аас дээш насныхан эзэлж байна. Тэдний 59.6 хувь нь эмэгтэй, 40.4 хувь нь эрэгтэй.

Хүн амын дундаж наслалтыг харвал 1992 онд 62.7, 2011 онд 68.3 байсан бол 2021 оны байдлаар дундаж наслалт 71 болжээ. Үүнээс эрэгтэйчүүд 67, эмэгтэйчүүд 76 насалж байна.

2021 оны эцэст нийт 427,809 хүн өндөр насны тэтгэвэр, тэтгэмж авч байгаагаас 83 хувь нь Нийгмийн даатгалын сангаас, 17 хувь нь Нийгмийн халамжийн үйлчилгээнд хамрагдаж байгаа юм.Ахмадуудын боловсролын түвшнийг харвал, нийт ахмадын 16.2% нь техникийн тусгай мэргэжлийн дунд, 23% нь дипломын болон бакалаврын дээд боловсролтой бол 1.4% нь магистр ба докторын зэрэг хамгаалжээ.Улсын хэмжээнд 100-аас дээш настай 155 иргэн байгаа бол Монголын хамгийн өндөр настан 112 настай байна. Сонирхуулахад, аравдугаар сарын 1-нд төрсөн 1,184 ахмад иргэн бий.

Эх сурвалж:www.polit.mn