Т.САЙХАН
Украины ерөнхийлөгч В.Зеленьский НҮБ-ын Ерөнхий Ассамблейн 77 дугаар чуулганд хэллээ. Нью-Йоркт болж байгаа тус чуулганд Украины Ерөнхийлөгч бичлэг илгээн байр сууриа илэрхийлжээ. В.Зеленьский ОХУ-ын үйлдсэн дайны гэмт хэргүүдийг хэлэлцэх цэргийн тусгай шүүх байгуулахыг энэ үеэр уриаллаа. Оросын цэргүүдээс чөлөөлсөн Изюм хотод 445 хүнийг нэг дор бөөнөөр нь оршуулсан хэргийг болон Оросын цэргүүд нэг эрэгтэйг тайган болгож амийг нь хөнөөсөн хэргийг чуулган дээр дэлгэн танилцууллаа. Изюм хотод бөөнөөрөө олдсон цогцос дунд тамлуулсан ул мөр их байгааг Украины Ерөнхийлөгч онцолж, цэргийн харгис гэмт хэрэг үйлдэж байгаа ОХУ-д заавал хатуу шийтгэл оноохыг уриаллаа. Мөн тэрбээр Ерөнхий Ассамблейн чуулганд биечлэн ирэхгүйгээр дүрс бичлэгээр оролцохыг нь зөвшөөрч санал өгсөн 101 оронд талархал илэрхийлж, эсрэг санал өгсөн долоон оронд шүүмжлэлтэй хандаж байгаагаа хэлсэн байна.
Эх сурвалж:www.polit.mn