• Зууны мэдээ сонин онлайн захиалга

Б.Батдэлгэр: Цэцийн гадна жагсаж, иргэдээс гарын үсэг цуглуулна

Б.НАРАНГОО

Үндсэн хуулийн цэцийг “Хогийн сав болгосон гишүүдийг зайлуулъя” сэдвээр иргэн Б.Батдэлгэр хэвлэлийн хурал хийлээ. Тэрбээр Үндсэн хуулийн есөн гишүүнийг огцруулах асуудлаар энэ сарын 21-23-ны өдрүүдэд Цэцийн гадна жагсаж, иргэдээс гарын үсэг цуглуулахаар болжээ. Үндсэн хуулийн цэцийн гишүүдэд ямар хариуцлага тооцох нь өнөөдрийг хүртэл тодорхойгүй байгаа юм.

Б.Батдэлгэр “Үндсэн хуулийн цэцийн их суудлын хуралдаанаар II-р дүгнэлтийг өнгөрсөн сарын 25-ны өдөр гаргасан.  Энэ дүгнэлтээр Монгол улсын үндсэн хуулийн 39-ийн I-т заасан УИХ-ын дөрвөн гишүүн Засгийн газрын гишүүн байх ёстой гэсэн заалтыг Үндсэн хууль зөрчиж байна гээд хүчингүй болгосон. Энэ нь Үндсэн хуулийн 69-ийн IV дэх заалтыг зөрчсөн үйлдэл. Үндсэн хуулийн нэмэлт өөрчлөлт нь үндсэн хуультай адил хүчин төгөлдөр байна гэж заасныг зөрчсөн. Энэ асуудлыг цэгцлэх шаардлагатай” гэлээ.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.