Б.ОД

БОАЖ-ын сайдын энэ оны наймдугаар сарын 31-ний өдрийн 09 тоот албан даалгаврын дагуу "Усны сан бүхий газрыг бохирдож, хомстохоос хамгаалах" арга хэмжээг хэрэгжүүлж байна.

Энэ ажлын хүрээнд Хөвсгөл аймгийн хэмжээнд бүх нийтийн хог цэвэрлэгээг шат шатны Засаг даргын захирамжаар зохион байгуулжээ. Тодруулбал, Хөвсгөл аймгийн төв Мөрөн суманд үйл ажиллагаа эрхэлдэг аж ахуйн нэгж, албан байгууллага, айл өрх, сургуулийн сурагчид оролцож, нийтийн эзэмшлийн талбай, хашаа хороо, Дэлгэрмөрөн гол орчим, үерийн далан зэрэг газруудад цэвэрлэгээ хийсэн байна.

Дэлгэрмөрөн-Шишгэд голын сав газрын захиргааны хамт олон усны сан бүхий 60 га газарт 10 байгууллагын 75 ажилтан албан хаагчидтай хамтарч 11 машин техник хэрэгсэл ашиглан нийтийн хог цэвэрлэгээнд оролцлоо. Хог цэвэрлэгээгээр нийт 30 орчим тонн хог хаягдал гарчээ.

Хог хаягдлыг ангилж үзвэл шил, лааз, ус ундааны хуванцар сав, хувцас хунар, машины дугуй, гялгар уут, үнс нурам зэрэг байлаа. Үүний 70 орчим хувь нь дахин ашиглах боломжтой хог хаягдал байна гэдгийг БОАЖЯ мэдээллээ.

Эх сурвалж:www.polit.mn