Б.БАЯРЖАВХЛАН

Хөдөлмөрийн тухай хуулийн хэрэгжилт, улс төр, нийгмийн нөхцөл байдлын талаар “Эрдэнэс таван толгой” ХК-ийн “Эв санааны нэгдэл” үйлдвэрчний эвлэлээс мэдээлэл хийлээ.

Монгол улсын хөдөлмөрийн шинэ хуульд амралтын цаг, ажилчдын ажиллах цаг, уртын ээлжийн амралтыг заасан байдаг.

Тэгвэл урт цагаар жижүүрлэж ажилладаг эмч, сувилагч, манаач, цагдаа, харуулуудад нийгмийн асуудлыг шийдэх хуулийн заалт хэрэгжихгүй байна хэмээн Эв санааны нэгдэлийн зүгээс үзэж байгаа юм. Түүнчлэн “Уул уурхайн салбарт энэ олон ажилчид хохирч байна. Засгийн газрын хөдөлмөрийн хуулийн хэрэгжилт хэрэгжихгүй байна. Тэдний удирдлагуудад хандаж хэлэхэд ажилчид та бүгдийн боол биш. Энэ бол шудрагаар хөдөлмөрөө үнэлүүлж, та бүхэнд ашиг олж өгч байгаа хамтрагч чинь шүү дээ. Хэн ч байлаа гэсэн ажлын цагаараа ажиллах ёстой, үгүй бол бие ядрана. Мөн “Эрдэнэс тавантолгой” ХК болон төрийн өмчит компаниуд энэ хуулийг хамгийн түрүүнд хэрэгжүүлэх ёстой. Хэргэжүүлэхгүй байна гэдэг хууль зөрчиж байна гэсэн үг. Хууль зөрчсөн хүнд хариуцлага тооцох ёстой. Мөн Засгийн газар ирэх онд энэ асуудлыг анхааралдаа авч орон даяар Хөдөлмөрийн хуулийн хэрэгжилтийг хангах,  хэрэгжүүлж ажиллахыг хүсч байна”гэв6

Эх сурвалж: www.polit.mn