Б.НЯМСҮРЭН
“Чингис хааны” ач хүү Бат хааны түүхийг өгүүлэх Унгар-Монгол-их Британы хамтарсан “1242 Gateway to the West буюу Барууны Хаалган Дээр”кинонд бага насны эрэгтэй хүүхэд хүчирхийлдэг Холлиудын жүжигчинг тоглуулах гэж байгааг Монголын талаас эсэргүүцэн “Махаан пикчерс ХХК” болон Монголын үндэсний кино хороо ТББ-аас мэдээлэл хийлээ.
Унгарын Мозго мози компани кинонд садар, самуун хүчирхийлэл сурталчилсан Монгол цэргийн ангийн дэргэд янханы газар дагаж явдаг, цэргүүд түүгээр үйлчлүүлдэг хэсэг оруулсан, түүнчлэн гол дүр Бат хаанд өөр улсын жүжигчин тоглуулах санал гаргасныг эсэргүүцэн талуудын хооронд зөрчил үүсч Махаан пикчерс хүчирхийлэл сурталчилсан түүх гуйвуулсан гэрээ зөрчиж гол дүрийг Монгол Жүжигчин сонгох нөхцөлөө биелүүлэхийг шаардаж хөрөнгө оруулалтаа түдгэлзүүлсэн аж. Махаан пикчерс ХХК 2017 оноос эхлэн Монгол-Унгарын хамтын ажиллагааг эхлүүлж хоёр улсын түүхэн харилцааг харуулсан Чингис хааны ач хүү Бат хааны тухай түүхэн уран сайхны кино бүтээх санаачлага гарган 2020,2021 онд Унгарын Мозго мози компани, Махаан пикчерс ХХК, Их Британы Челси пикчерстэй хамтран ажиллах санамж бичигт гарын үсэг зурж ажиллагаагаа эхлүүлж байжээ.
Монголын үндэсний кино хороо ТББ-ын төлөөлөгч, зохиолч, найруулагч Ч.Билгүүн “Үндсэн хуулиараа төрт ёс, түүх, соёлынхоо уламжлалыг нандигнан өвлөх эрхэм зорилготой, үндэстний оршин тогтнох үндэс амин чухал дархлаа болсон үндэсний түүх, хэл, соёл, өв уламжлал, зан заншлаа хадгалж, хамгаалж, хөгжүүлэхэд чиглэсэн үйл ажиллагаа явуулдаг байгууллагын хувьд түүх гуйвуулж садар самуун, бэлгийн хүчирхийлэл зэрэг сөрөг сурталчилгаа болох кино бүтээж олон улсын зах зээлд гарахаас сэргийлнэ” гэлээ.
Махаан пикчерс ХХК-ийн итгэмжлэгдсэн төлөөлөгч, хуульч Ш.Сарангэрэл “Санамж бичигт заасны дагуу БАт хааны дүрд Монголд жүжигчин тоглуулах, хүчирхийлэл сурталчилсан, түүх гуйвуулсан хэсгийг хасах шаардлагыг биелүүлэхгүй бол “Утга зохиол урлагийн бүтээлийг хамгаалах тухай Бернийн конвенци”-д нэгдэн орсон улсын хувьд Унгарын Мозго мози компанитай холбоотой олон улсын шүүхэд маргаан үүсгэхээс аргагүй байдалд хүрэх учир энэ кинонд Монгол тал оролцох эсэх талаар зохих эрх бүхий газраас шийдвэр гаргах хүртэл хугацаанд сөрөг үр дагавар үүсч болзошгүй гэдгийг олон нийтэд мэдээлэлж байна” гэлээ.
Эх сурвалж: Polit.mn