П.АМГАЛАНБАЯР

“Иргэдийн Шударга Шүүх” ТББ-аас цаг үеийн асуудлаар хэвлэлийн хурал хийлээ. Тодруулбал, хүмүүс  хуулийн мэдлэг дутуу байгаагаас хохирч байна. Тиймээс Монгол хүн бүрийг  хуулийн мэдлэгтэй болохыг уриалж, орон даяар “Үндсэн хуулийн дугуйлан”  байгуулж,  нийслэл, дүүрэг сумдын  удирдлагуудтай хамтарч, бямба гариг бүр хуулиа судалдаг болохоор ажиллаж байгаа аж. Уг төсөл нь ирэх гурван жилийн хугацаанд үргэлжилнэ. Мөн “Иргэдийн Шударга Шүүх” ТББ-аас ирэх тавдугаар сарын 29-ний өдөр “Илчилье” хөдөлгөөнийг зохион байгуулах аж. Энэ талаар хуульч Х.Бат-Ялалт “Уг хөдөлгөөний үед улстөрчдийн гар хөл болсон дөрвөн шүүгчийг зарлана. Хуульч мэргэжил эзэмшээгүй мөртлөө 12 жил хуулийн салбарт ажилласан хүн байна. Мөн шүүх, прокурор, цагдаагийн албан хаагчдын алдаатай шийдвэр,  үйл ажиллагааны талаарх баримт нотолгоог дэлгэх “Илчилье” гэсэн хоосон самбарыг Сүхбаатарын талбайд байрлуулна. Уг самбар дээр шүүгчийн буруу шийдвэрээс үүдэж хохирсон иргэд баримт дэлгэх боломжтой. Харицлага алдсан шүүгчдийн талаарх баримтыг илчлэхээс гадна албан тушаалаас нь бууруулах тал дээр ажиллана” гэлээ.

Эх сурвалж: www.polit.mn