П.АМГАЛАНБАЯР

“Дэлхийн Монгол Ногоон нэгдэл”  ТББ, Монголын Байгаль орчны  иргэний зөвлөл зэрэг иргэний хөдөлгөөнөөс цаг үеийн асуудлаар мэдээлэл хийлээ.  Тодруулбал, байгаль орчинг сүйтгэж, хууль бусаар үйл ажиллагаа явуулж буй 200 гаруй компани уурхайг илрүүлж олон нийтэд цацсанаас үүдэж гарсан үйл явдлын тухай мэдээллэсэн юм.  Энэ үеэр “Дэлхийн Монгол Ногоон нэгдэл” ТББ-ын тэргүүн Г.Бээжин “Манай байгууллага арав орчим жил байгаль хамгаалах чиглэлээр ажиллаж  байна. 2019 онд Архангай аймгийн Цэнхэр, Сэлэнгэ аймгийн  Ерөө сумдад том машин техникээр хууль бусаар үйл ажиллагаа явуулж буй компаниудын тухай  мэдээллийг олон нийтийн сүлжээнд тавьж,  төрийн өндөрлөгүүдэд хандаж, таслан зогсоосон. Тэр үед ЦЕГ-ийн дарга байсан С.Баатаржавыг хууль бус үйлдэлтэй эвлэрч байгаа учраас хариуцлагаа хүлээж огцрохыг шаардсан. Гэвч эсрэгээр намайг цагдаагийн байгууллагаас дуудаж, өнгөрсөн оны гуравдугаар сарын 24-нд Чингэлтэй дүүргийн шүүхээс  хоёр жил,  хоёр сарын ял авч 461-р ангид хорьсон” гэлээ.  Цагдаа,  прокурор, шүүх  нийлж  хилс  хэрэгт гүтгэсэн учраас шүүх хуралдааны бичлэгийг олон нийтэд ил болгохыг хүсэв.

Эх сурвалж: www.polit.mn