Б.БЯМБАЖАРГАЛ

Сонгинохайрхан дүүргийн Иргэний хэргийн анхан шатны шүүхийн ерөнхий шүүгч Б.Хишигбаатар, шүүгч А.Энхтөр нар албан тушаалаа урвуулан ашигласан талаар иргэн Б.Батдэлгэр мэдээлэл хийлээ. Тэрбээр “Шүүгч А.Энхтөр албан тушаалаа урвуулан ашиглаж, “Сант” сургуульд давуу байдал олгосон шийдвэр гаргасан. Энэ оны гуравдугаар сарын 9-нд шийдвэр гаргахдаа Монгол Улсын хуулийг уландаа гишгэллээ. Тухайлбал, Эрүүгийн хэрэг хянан шийдвэрлэх тухай, Монгол Улсын тухай хуулийг зөрчсөн. Манай “Бүрэн цутгамал” компанийн “Сант” сургуультай байгуулсан Барилгын ажил гүйцэтгэх гэрээнээс үүдэлтэй гурван эрүүгийн хэрэг бүртгэлтийн хэргүүдийг заавал шийдэж байж үндсэн болон сөрөг нэхэмжлэлийг хянан шийдвэрлэх ёстой. Гэтэл шүүгч А.Энхтөр албан “Сант” сургуульд давуу байдал үүсгэсэнн шийдвэр гаргаж сургуулиас тухайн шийдвэрээр далимдуулж захиргааны болон эрүүгийн журмаар шалгагдаж байгаа хэргүүдээ хэрэгсэхгүй болгох санаатай байгаа нь гуравдугаар сарын 28-нд болсон “Сант” сургуулийн өргөтгөлийн барилгыг байнгын ашиглалтад оруулсан акттай холбоотой захиргааны хэргийг хэрэгсэхгүй болгох хүсэлт гаргаснаас тодорхой харагдаж байгаа юм. Мөн “Сант” сургуулийн захирал Д.Зургаанжин өргөтгөлийн барилгад зарцуулсан манай компанийн 500 орчим сая төгрөгийн ажлын хөлс, материалын зардлын үлдэгдлийг өгөхгүйн тулд эрүүгийн гурван зохиомол хэрэгт гүтгэсэн. Би хуулийн байгууллагад 2365 хоног яллагдагч, шүүгдэгч нэртэйгээр хэлмэгдэж байна” гэв.

Тиймээс хууль зөрчиж албан тушаалаа урвуулан ашиглаж мөнгөтэй, танилтай талд шийдвэр гаргасан шүүгч нарыг шүүх, эрх мэдлээс шилжүүлэн цэвэрлэхийг хүсэж ирэх долоо хоногт шударга ёсны төлөө жагсаалт зохион байгуулах талаар мэдээллээ.

Эх сурвалж: www.polit.mn