Дэлхий дахины 1005 дахь удаагийн цусны донорын хөдөлгөөнөөр 70 гаруй хүн цусаа хандивлав

2022-02-22
Нийтэлсэн: Админ
 4 мин унших

[Бурханы Сүм Дэлхийн Сайн Мэдээний Авралын Зар Нийгэмлэг]

“Ковид-19” цар тахлын улмаас цусны донорын тоо буурч байгаа бөгөөд омикрон мутацийн тархалт мөн давхцаж, цусны хомсдол улам бүр нэмэгдсээр байна. Ийм үед Бурханы сүмийн дэлхий дахины 1005 дахь удаагийн цусны донорын хөдөлгөөнөөр Монгол дахь Бурханы сүм дэлхийн сайн мэдээний авралын зар нийгэмлэг (цаашид Бурханы сүм гэх)-ийн итгэгчид цусны хомсдолыг арилгахад цусаа хандивлах үйл ажиллагаанд тэргүүн эгнээнд манлайлан оролцлоо.

2022.2.17-ны өдөр Бурханы сүмийн итгэгч гишүүд, тэдний гэр бүл, ойр дотны 70 гаруй хүн Цус сэлбэлт судлалын үндэсний төвд ирээд цусаа өгөх боломжтой гэсэн дүгнэлт гарахад баярлан, цусаа өгч эхлэв. Цус хандивлах үйл ажиллагаа эрч хүчээр дүүрэн хүмүүсийн халуун дулаан сайхан уур амьсгалтай байж, Цус сэлбэлт судлалын үндэсний төвийн ажилтнууд эрүүл, аюулгүй орчинд цусаа өгөхөд нь туслан ажиллалаа.

Цус сэлбэлт судлалын үндэсний төвийн дарга Н.Эрдэнэбаяр уг үйл ажиллагааг нээж, “Бурханы сүмийн хамт олон 2012 оноос хойш 10 гаруй жилийн туршид  итгэгчид болон тэдний ойр тойрны хүмүүсийг хамруулан цус хандивлах ажлыг жилд хоёроос доошгүй удаа тогтмол зохион байгуулж ирлээ. Энэ бол цус, цусан бүтээгдэхүүн хэрэгтэй байгаа хүмүүст амь насыг нь аврахад үнэхээр чухал ач холбогдолтой ажил. Өнгөрсөн хугацаанд Бурханы сүмийн итгэгчдээс байнгын донорууд олон гарч ирсэн нь цус, цусан бүтээгдэхүүний хомсдлоос сэргийлэх, гэнэтийн болон аюултай үед маш чухал үүрэг гүйцэтгэдэг учраас та бүхэнд онцлон талархал илэрхийлье” гэж хэллээ.

Бурханы сүмийн албаны хүн хэлэхдээ, “Цусыг орлох зүйл хаана ч байхгүй тул цус сэлбэх шаардлагатай байгаа өвчтөнүүдэд цусаа өгч байж л тэдэнд туслах боломжтой гэж бид сонссон. Амь аврах сайхан үйлсэд нийт итгэгчид маань сайн дураараа оролцлоо. Цусаа хандивлах үйлсэд улам олон хүн нэгдэж, цусны хомсдолын асуудал хурдан шийдэгдэнэ гэдэгт итгэлтэй байна. Бид улс орон, хөрш нийгэмдээ итгэл найдвар, баяр баясгалан хуваалцах үйл ажиллагаануудыг цаашид ч хийсээр байх болно” гэв.

 Итгэгч Б.Анударь, “Би өнөөдөр 10 дахь удаагаа цус хэрэгтэй байгаа хүмүүст цусаа хандивлалаа. Залуустаа хандаж хэлэхэд өөрөөсөө шалтгаалах үнэгүй өгч болох энэхүү үнэ цэнэтэй халуун цусаа тусламж хэрэгтэй байгаа нэгэндээ бэлэглэцгээе гэж уриалмаар байна. Би 2012 оноос хойш энэ сүмд явдаг болсноос хойш олон сайн үйлсийн ажилд гар бие оролцож байгаа. Эндээс би нийгэмд залуучуудын оролцоо ямар их хэрэгтэй байдгийг, залуучуудын үүрэг ямар чухал байдгийг ойлгож байгаа” хэмээн бахархан ярилаа.

Сүхбаатар дүүргийн ИТХ-ын шашин сүм хийд болон төрийн бус байгууллагын асуудал хариуцсан ажилтан Д.Хонхонцэцэг,“Юуны өмнө ийм сайхан гэгээлэг үйл ажиллагаа байнга явуулж байдаг Бурханы сүмийн хамт олон, итгэгч нарт гүнээ талархаж байна. Нэг хүний цусаар гурван хүний амь насыг авардаг гэдэг. Ийм сайхан үйл ажиллагаанд уригдан ирсэндээ маш их баяртай байна. Та бүхний цаашдын ажилд амжилт хүсье” хэмээн сэтгэгдлээ илэрхийллээ.

 Бурханы сүм нь цусны донорын үйл ажиллагаа зохион явуулахаас гадна гамшгийн үед тусламж үзүүлэх, байгаль орчин цэвэрлэх, боловсролын салбарт дэмжлэг үзүүлэх, хөршүүддээ туслах зэрэг сайн дурын янз бүрийн үйл ажиллагаа явуулан Христийн хайрыг дамжуулдаг байна. Мөн Монгол улсад ч төрөл бүрийн сайн дурын арга хэмжээг тасралтгүй өрнүүлсээр иржээ.

Нийслэлийн Баянгол дүүргийн ИТХ-тай хамтран цөлжилт үүсэхээс урьдчилан сэргийлэх зорилгоор экологийн цэцэрлэгт хүрээлэн болох Агропаркт 500 ширхэг хайлаас мод тарьж, Баянзүрх дүүргийн 4-р хорооны өндөр настнуудыг хүлээн авч, ахмадуудтайгаа нэг өдрийг баяр хөөртэй өнгөрүүлсэн байна. Хүйтний эрч чангарч байгаа энэ цаг үед хөрш нийгэмдээ туслах зорилгоор цас цэвэрлэх сайн дурын ажил ч өрнүүлжээ.

 “Ковид-19”-с урьдчилан сэргийлэх, даван туулах үйлсэд ч мөн идэвхтэй оролцсоор байна. Баянзүрх дүүргийн 4-р хороонд Overlock оёдлын машин болон дижитал оёдлын машин хандивлан “Ковид-19”-н улмаас эдийн засгийн хүндрэлд орсон орлого багатай эмэгтэйчүүдэд боловсрол, техникийн зааварчилгаа өгч, ажлын байр бий болгоход тусалсан. “Ковид-19” халдварын эсрэг тэмцэхэд тэргүүн шугаманд ажиллаж байгаа хүмүүсийг дэмжих зорилгоор ЭМЯ, Дархан-Уул аймгийн Эрүүл мэндийн төв, Орхон аймгийн Эрүүл мэндийн төв, Орхон аймгийн шинжилгээний төв, Дархан-Гал сөнөөх анги зэрэг байгууллагуудад нийт 27,000 ширхэг амны хаалт, чацарганы ундаа зэргийг хандивлаж байжээ. Түүнчлэн Баянгол дүүргийн иргэдэд халдвараас үүдэлтэй эдийн засгийн хямралын үеэр амьжиргаагаа хүндхэн залгуулж буй иргэдэд 30 иж бүрдэл хүнсний бүтээгдэхүүн, халдвар илэрсэн эмзэг бүлгийн иргэдэд 1,2 сая төгрөг хандивлаж, тэдэнд урам дэм өгсөн байна.

 Хүмүүнлэгийн үйл ажиллагаа тогтмол өрнүүлдэг Бурханы сүмд олон орны засгийн газар, төрийн байгууллага, олон улсын байгууллагуудаас 3300 гаруй удаа шагнал өгсөн бөгөөд үүнд Байден, Трамп, Обама нарын засгийн газрын Сайн дурын ажлын дээд шагнал, БНСУ-ын гурван үеийн ерөнхийлөгчийн шагнал, олон улсын байгаль орчны шагнал болох Ногоон дэлхий (Green World), Ногоон алим (Green Apple) гэх мэт шагналууд багтаж байгаа аж.

Эх сурвалж: “Зууны мэдээ” сонин

2022 ОНЫ  ХОЁРДУГААР САРЫН 22. МЯГМАР ГАРАГ. № 38 (6770)

oogii-smile
Олон хүний амь аврах үнэхээр сайхан үйлс хийжээ. БАЯР ХҮРГЬЕ
Ямар сайхан мэдээ вэ, үнэхээр хайр түгээсэн сайхан сүм юмаа
Цусаа ханьдвалсан та бүхэнд баяралалаа
Донорын хөдөлгөөнд цусаа бэлгэлсэн сүмийн бүх итгэгч нартаа чин сэтгэлээсээ талархаж байна Бурханаас еөрөөл их аваарай naraa
Зочин
Маш их баярлалаа
Сайн дурын ажил бол үнэ цэнэтэй, бахархам ажил шүү. Мундаг байна 👍
D.Tsendhkorol
vneheer saihan setgeltei hvmvvs shvv
vneheer saihan setgeltei hvmvvs shvv
Мөрийн хөтөлбөртөө хүний эрхийн асуудлыг тусгахыг зөвлөжээ

Мөрийн хөтөлбөртөө хүний эрхийн асуудлыг тусгахыг зөвлөжээ

Уржигдар 13 цаг 15 мин
Т.Баярхүү: Төмөр, цагаан зудтай малчин өрхүүдэд л хүнсний тусламж үзүүлнэ

Т.Баярхүү: Төмөр, цагаан зудтай малчин өрхүүдэд л хүнсний тусламж үзүүлнэ

Уржигдар 13 цаг 09 мин
Ч.Отгочулууг гэм буруугүйд тооцож, хэргийг цагаатгажээ

Ч.Отгочулууг гэм буруугүйд тооцож, хэргийг цагаатгажээ

Уржигдар 13 цаг 04 мин
МАН жагсаалтдаа багш , малчдын төлөөллийг оруулахаар ярьжээ

МАН жагсаалтдаа багш нар малчдын төлөөллийг оруулахаар ярьжээ

Уржигдар 10 цаг 47 мин
Эвлэрлийн гэрээ байгуулсан бол анхан шатны шүүхэд дахин нэхэмжлэл гаргах эрхгүй

Энэ удаагийн “Хууль, эрх зүй” буландаа шүүхээр шийдвэрлэсэн нэгэн кейсийг хүргэ

Уржигдар 07 цаг 15 мин
76 -г 5.9, харин 126 нэр дэвшигчийг 6.4 тэрбумаар сурталчилна

Монгол Улс түүхэндээ анх удаа 126 гишүүнтэй болно. Ингэхдээ Үндсэн хуулийн өөрчлөлтөөр 78-ийг нь м

Уржигдар 07 цаг 10 мин
Ажиглагч бүртгүүлэх, үнэмлэх олгох

Иргэдийн улс төрийн эрх, эрх чөлөөг хангаж, хамгаалах, сонгуулийн боловсрол мэдлэг

Уржигдар 07 цаг 05 мин
Хаврын чуулганаар авлигын эсрэг ямар хуулиуд батлах вэ?

УИХ-ын хаврын чуулган энэ сарын 15-нд нээлтээ хийнэ.   Сонгуулийн өмнөх чуул

Уржигдар 07 цаг 00 мин
Боловсролын салбарын их өгөгдлийн шинжилгээний цахим систем нээлтээ хийлээ

Боловсролын салбарын их өгөгдлийн шинжилгээний цахим систем нээлтээ хийлээ

2024-02-29
Дөрвөн жилд нэг удаа төрсөн өдрөө тэмдэглэдэг бүх хүмүүстээ төрсөн өдрийн мэнд хүргэе

 “Polit” хуанли: “Төрсөн өдөр” буландаа хоёрдугаар сарын 29-нд төрсөн өдөр нь тохиож буй Монгол Улсын бүх иргэнийг онцлон төрсөн өдрийн мэнд хүргэж байна.

2024-02-29