Ч.ГАНТУЛГА

“Камертон” хамтлагийн 19 насны төрсөн өдөр өчигдөр тохиолоо. Хамтлагийн дуучин Г.Мэнд-Амартай холбогдож сэтгэгдлийг нь сонссон юм.

-19 насын төрсөн өдрийн баярын мэндийг хүргэе?

-Баярлалаа. “Камертон” хамтлагийн үе үеийн сонсогчдодоо баярын мэнд хүргэе. Биднийг дэмждэг фэнүүддээ баярлалаа. Энэ өдөр зөвхөн бидний баяр биш. 

-Өнөөдрийг хэрхэн өнгөрөөх гэж байна?

-Удахгүй шинэ цомгоо гаргана. Энэ бол фэнүүддээ барьж байгаа бэлэг. Саяхан тоглолтоо хийхэд үзэгчид сайхнаар хүлээж авлаа. Энэ нь сонсогчдоос бидэнд өгсөн хамгийн том бэлэг болсон. Зургадугаар сарын 24-нийг бид хүндэлдэг. Хамгийн дурсгалтай, чухал өдөр юм даа.

-Фэнүүдээс чинь гэнэтийн бэлэг их ирэх байх даа?

-Төрсөн өдрийн бэлэг минь сонсогчдын халуун алга ташилт. Бид бэлгээ хангалттай авсан гэж бодож байна.

-19 жилийн өмнөх дурсамжаа эргээд санавал?

-Хүсэл мөрөөдлөөрөө нэгдсэн дөрвөн хөвгүүн хамтлаг байгуулна гээд зориглож байлаа. Хамтлагийн ноён нуруу, амин сүнс нь бидний нөхөрлөл гэж боддог юм. Бид бие биенээ ойлгодог, мэдэрдэг, хамтдаа уран бүтээл хийж чаддаг байсан учраас “Камертон” одоо ч  ор­шин тогтносоор байна.