М.ГАН

Сонгуулийн нэгдсэн хуулийн төслийг боловсруулж дуусчээ. Уг төслийг хэлэлцүүлэгт бэлтгэх ажлын хэсгийг УИХ-ын гишүүн Р.Бурмаа ахалдаг бөгөөд тэрээр УИХ дахь намын бүлгүүдэд мэдээлэл өгсөн байна.

2012 оны сонгуулийг 28:48 гэсэн хувилбар буюу 28 гишүүнийг намын нэрээр, 48 гишүүнийг тойргоос сонгосон. Харин Сонгуулийн нэгдсэн хуульд 50:50 гэсэн харьцааг тусгахаар УИХ дахь Ардчилсан нам, МАХН-МҮАН-ын “Шударга ёс” эвслийн бүлэг санал нэгдсэн байна. Тодруулбал, 38 гишүүнийг намын нэрээр буюу пропорционалиар, 38 гишүүнийг тойргоос буюу мажоритар хувилбараар сонгох юм. Харин МАН-ынхан дан мажоритар систем буюу тойргоос сонгох хувилбарыг хуульд тусгах саналын зөрүүтэй байна.

Сөрөг хүчний байр суурийг харгалзан эрх баригчид дундын хувилбарыг гаргаж магадгүйг эх сурвалж онцоллоо. Цаашид намууд зөвшилцөх ажлын хэсэг байгуулж 2016 оны сонгуулийг ямар хувилбараар явуулах тухайд санал солилцох юм.

Эх сурвалж: "Зууны мэдээ" сонин