Д.Жаргалтулга

УИХ-ын гишүүдийн үндсэн ажил хууль санаачлах, боловсруулах, цаашлаад нэгнийхээ санаачилсан хуулийн төслийг алдаа дутагдлыг хэлж өгөх, засч залруулах байдаг. Тэгвэл энэ эрхэм үүргээ гүйцэтгэж байгаа гишүүд чуулганы танхимд хэд байгаа бол. Хуулийн төсөл бүрт санаа оноогоо нэмэрлэдэг, батлагдах ямар шаардлага, шахалт байгааг байнга асууж тодруулж лавладаг гишүүн бол С.Баярцогт, Р.Гончигдорж, С.Бямбацогт нарын 10 гаруй гишүүн бий. Харин саналаа ч хэлдэггүй, хуулийн төслийг тал,  талаас харж ярьдаггүй гишүүнийг тоолбол илүү олон. Хариуцсан салбарынх нь хууль тогтоомж орж ирвэл нэг ам нээнэ. Бусад цагт Монголын ард түмэнд ямар хэрэгтэй, эсвэл хэрэггүй юу гэдэг ч үзэл бодлоо илэрхийлдэггүй нь Батлан хамгаалахын сайд Д.Бат-Эрдэнэ, Уул уурхайн сайд Д.Ганхуяг, Л.Гантөмөр, Х.Тэмүүжин, С.Эрдэнэ нарын сайд байна. Харин гишүүдээс Г.Батхүү, Ш.Түвдэндорж нарын АН-ынхан. МАН-ынхан сөрөг хүчин гэдэг утгаараа өөрсдөөс нь бусдын оруулж ирүүлсэн төсөл бүрийг сөрөн асууж тодруулдаг улс төрчид юм.

Эх сурвалж www.polit.mn