Д.Болор

Өнөөдөр Үйлдвэр, хөдөө аж ахуйн сайд Х.Баттулгын албан тушаалаасаа чөлөөлөгдөх хүсэлтийг хоёр байнгын хороо хамтран хэлэлцэхээр товложээ. Түүнийг сайдын сэнтийгээс чөлөөлөх үү, эсвэл авч үлдэх үү. Гишүүд сайдын шийдвэрт янз бүрээр хандаж байна. МАН-ынхан “Х.Баттулгын шийдвэр зөв. Зоригтой алхам боллоо. Тэрээр давхар дээлээ тайлахыг хүссэнийг дэмжинэ” гэх. Харин АН-ынхан болоод “Шударга ёс” эвслийнхэн “Тайланг нь сонсоно. Муу ажилласан бол хариуцлагын талаар ч ярих болно” гэсэн шахуу юм ярьцгааж байна. Гэхдээ Х.Баттулга сайдыг чөлөөлөгдөх хүсэлтийг аль нэг намын шийдвэрээс илүү гишүүд өөрсдийн саналаар шийдэх сурагтай. Түүнийг хүсэлтийг өнөөдөр Г.Баярсайхан, С.Дэмбэрэл, Б.Гарамгайбаатар, Х.Болорчулуун, Б.Наранхүү, М.Зоригт, Л.Болд, А.Бакей, Ж.Энхбаяр, О.Баасанхүү, Б.Бат-Эрдэнэ, Ц.Цолмон, Л.Эрдэнэчимэг, Д.Эрдэнэбат, Ц.Оюунгэрэл, Я.Содбаатар, Ц.Дашдорж, Д.Арвин, С.Батболд, Д.Бат-Эрдэнэ, А.Тлейхан, Ц.Нямдорж, Д.Зоригт, С.Бямбацогт, Г.Батхүү, Г.Уянга, Д.Тэрбишдагва, Д.Ганхуяг, Д.Ганбат, Д.Батцогт, Н.Батбаяр, Л.Энх-Амгалан, Ц.Баярсайхан, С.Одонтуяа, Ц.Даваасүрэн нарын 36 гишүүн шийднэ.

Эх сурвалж: www.polit.mn