Б.ТУУЛ

“Positive Mongolians” төслөөр дамжуулан сошиал орчинд  онлайн зөвлөмж, подкаст, влог, “Хосын жор” зэрэг олон контентийг бэлтгэн хүргэдэг Д.Түвшинбаяр, Э.Дөлгөөн нар өмгөөлөгчийн хамт "Хаппи Фловерс" компанийн хүүхэд асрах үйлчилгээтэй холбоотой мэдээллийг олон нийтэд өглөө. Энэ тухай Э.Дөлгөөн "Бид "Хаппи Фловерс" компанийн нэр хүндэд халдах гэж мэдээлэл хийгээгүй. Мөн хүүхэд хардаг байгууллагуудын үйл ажиллагааг буруутгах гэсэнгүй. Зөвхөн энэ компанийг үйл ажиллагаагаа сайжруулаасай гэж хүсч байна. “Энэ асуудал нь хүмүүст хувь хүмүүсийн хоорондын асуудал харагдаж байгаа мэт боловч  олон хүний үр хүүхэдтэй холбоотой асуудал учраас энэ мэдээллийг хийж байна. "Хаппи фловерс" компанийн захирал Н.Ууганцэцэг  бидэнд  хамтран ажиллах санал тавьснаар 2020 оны нэгдүгээр сард манайх хүүхэд асрагч авсан. Хамгийн анх ирсэн охин их сайн охин байсан. Өнгөрсөн тавдугаар сард буюу дөрвөн сарын дараа хамтарч ажиллах гэрээ байгуулсан. Гэтэл үүнээс хойш асуудал үүсч, асрагчид солигдож эхэлсэн. Мөн үйл ажиллагааны доголдлууд бага багаар гарч ирсэн.   Гэхдээ бид хүүхэд асрагчийн энэ ажил нь шинэ салбар учраас юу юуны духанд буруутгаагүй хүлээцтэй хандаж байсан. Гэтэл 2020 оны наймдугаар сард охин маань хүүхэд асрагчийн хайхрамжгүй байдлаас биеийнхээ гурван хэсэгт ил харагдах гэмтэл авсан. Орой нь зургийг нь аваад тухайн байгууллагад өгсөн.  Гэсэн ч энэ мэт үйл ажиллагааны доголдолууд удаа дараа илэрсэн боловч бид холбогдох шаардлагуудыг тавьсан. Энэ тухай цахим орчинд постолсон. Гэтэл тус байгууллагын зүгээс бидэн рүү цахим орчинд маш их доромжилсон, дайрсан хандлагуудыг гаргасан. Иймд бид өмгөөлөгчид хандаж,  холбогдох зөвлөгөө мэдээллийг авсан. Мөн хууль хяналтын байгууллагад энэ асуудлыг шалгуулна.  Бидний зүгээс  бусдын адил байрны зээлтэй, уйл ажиллагааныхаа хүрээнд улсад татвар төлдөг, тус байгууллагын хэлж байгаа шиг 25 сая төгрөг нэхэмжлээгүй болно” гэв.

Эх сурвалж: www.polit.mn