Т.САЙХАН

Нийслэлийн Засаг дарга асан Э.Бат-Үүл өнөөдөр /05.11/ мэдээлэл хийлээ. Тэрээр сонгуулийн өмнө гэмт хэрэгтэн болгож, олон нийтийн тархийг угаасан мэдээлэл олон нийтийн мэдээллийн хэрэгслээр цацаж байгаад харамсаж байгаагаа илэрхийллээ.   Мөн сонгогчдын шударга шүүхэд орохыг МАН-ын удирдлагуудад хандаж хэлэв. Тэрээр “Сонгууль бүрийн өмнө намайг хулгайч, дээрэмчин, журмын анд С.Зоригийн амь насыг хөнөөсөн гэж 30 жил гүжирдлээ. Аливаа нөлөөнөөс ангид шударга шүүхийн дүгнэлт гараасай гэж хүсэж байна. Намайг З.Энхболдын тойрогт очиж өрсөлдөнө гэснээс хойш л дайрсан, гүжирдсэн мэдээлэл их гарлаа.  Харин ийм гүжирдлэгийг МАН-аас зохион байгуулан гаргаж байна. Энэ ямар учиртай юм бэ. Би МАН-ын удирдлагуудыг нийслэлийн сонгуулийн тойрогт хамт өрсөлдөж, сонгогчдын шударга шүүхэд орохыг уриалж байна. Намайг шоронгоор айлгахгүй шүү. МАН-ын Д.Амарбаясгалан Хотын дарга болох гэж байгаа гэнэ. Манай хот эрх биш Д.Амарбаясгалан ЖДҮ-чингээр удирдуулахад нийслэлчүүд хүрээгүй гэж бодож байна. Энэ дээрэмчнээр хотоо удирдуулахдаа хүрээгүй” гэсэн юм.

Эх сурвалж:www.polit.mn