Д.Гэрэл

УИХ дахь МАН-ын бүлгийн дарга С.Бямбацогт өөрийн цахим хуудаснаа нэгэн мэдэгдэл оруулжээ. Өөрийн Twitter хуудсандаа “Би хөдөө өсч төрсөн хүний хувьд малчин түмнийхээ жаргал зовлонг хэнээр ч хэлүүлэлтгүй сайн мэднэ. Харин ч малчдынхаа төлөө "Монгол мал" хөтөлбөр, ноосны урамшуулал, бүсийн нэмэгдлийг санаачилсан. Малчдын талаарх бүхий л бодлогыг зогсоосон Засгийн газар малчдыг улс төртэй хутгаж болохгүй. “Мал хээлтүүлэгч Ерөнхий сайд” гэж хэлээгүйд уучлалт хүс гээд байгаа юм болов уу даа. Өнөөгийн эрх баригчид малчдын ард нуугдаж улстөржиж байгаад харамсаж байна” хэмээн бичжээ.

МАН-ын бүлгийн гишүүдийн санаачилсан Малчдын тэтгэврийн насыг таван жилээр наашлуулах тухай хуулийн төсөл УИХ-аар хэлэлцэхээр дарааллаа хүлээж буй энэ үед малчин түмэн маань урам өгч дэмжиж байгаа. Гэтэл малчдын нэрийг барьж хэвлэлийн хурал хийлгэн эрх баригчдын гар хөл болгож байгаад дургүйцэх хүмүүс олон байна гэж шүүмжлэлийг МАН-ынхан хэлж байна.