Т.САЙХАН УИХ-ын чуулганы өнөөдрийн /01.30/ хуралдаанаар Н.Номтойбаяр гишүүний бүрэн эрхийг түдгэлзүүлэх эсэхийг шийднэ.  Чуулганы хуралдаанаар  нээлттэй хэлэлцэх саналыг нэр бүхий гишүүд аргасан ч УЕП-оос асуудлыг нууцын зэрэглэлтэйгээр ирүүлсэн гэдэг үндэслэлээр хаалттай горимоор хэлэлцэж эхэллээ.  Одоогийн цаг үед асуудлыг хэлэлцэж дууссан бөгөөд гишүүд нэрсийн дарааллаар  нууцаар саналаа өгч байна.  Санал өгсөн гишүүд нэг нэгээрээ чуулганы танхимаас гарч ирсээр байгаа бөгөөд  УИХ-ын гишүүн Ц.Даваасүрэн "Хүн амины хэрэгт холбогдсон асуудал нь ноцтой санагдлаа” гэсээр гарч ирсэн юм.   Н.Номтойбаярыг түдгэлзүүлэх асуудлыг Халдашгүй байдлын дэд хороо дэмжсэн.  Харин Төрийн байгуулалтын байнгын хороо,  Хууль зүйн байнгын хорооны гишүүдийн олонх түдгэлзүүлэх шаардлагагүй хэмээн үзсэн билээ.  Түүний МАН-ын ёс зүйн хорооноос  түүний намаас гарсанд тооцсон шийдвэрийг өчигдөр /01.29/ гаргасан байдаг.  Нууц санал хураалт үргэлжилж байна. Эх сурвалж:www.polit.mn