“Luxlife” буюу “Өндөр зэрэглэлийн орон сууцны өдөрлөг” нь Улаанбаатар хотын орон сууцны зах зээлд нийлүүлэгдэж байгаа өндөр зэрэглэлийн орон сууцны төслүүдийг нэг дор төвлөрүүлэн иргэдэд хэрэгцээтэй мэдээ мэдээлэл өгөх, харьцуулан сонголт хийх боломжийг олгодгоороо өндөр ач холбогдолтой арга хэмжээ юм. Өнөөдрийн байдлаар үл хөдлөх хөрөнгийн зах зээлд нийлүүлэгдэж буй орон сууцны 8 хувийг өндөр зэрэглэлийн орон сууц эзэлж байна. Энэхүү өдөрлөгөөр зах зээлд нийлүүлэгдэж байгаа хамгийн сүүлийн үеийн технологи нэвтрүүлсэн, сайн менежменттэй, сонин содон шийдэл гаргасан, жишиг болохуйц шинэ төслүүдийг оролцуулахыг зорьсон нь төслүүдээс харагдаж байлаа. Амьдралын тав тухтай хэв маягийг бүрдүүлэхэд ямар зүйлс шаардлагатай байдаг, амьдрах орчин яагаад чухал, яг юунд нь болж тухайн орон сууцыг сонгож байгаагаа ойлгох, зөв зохион байгуулалттай байр яагаад чухал зэргийг өдөрлөгт оролцож байгаа төслүүдээс харьцуулан харах боломжтой байснаараа онцлог арга хэмжээ болж өнгөрлөө. Өдөрлөгт орон сууцны 360* үнэлгээ хийгдсэн өндөр зэрэглэлийн нийт 10 төсөл оролцсон бөгөөд төсөл бүр өөр өөрийн онцлогтой, ялгаатай зүйлүүдийг санал болгож байв. Зарим төсөл концепц санал болгож байхад зарим нь илүү чанар, орчныг чухалчилж, зарим нь коммунити санал болгож байлаа. Төсөл бүрийн концепц шийдэл өөр учраас эндээс бусад барилгын компаниуд санаа аваасай, худалдан авагчид нэг дороос харьцуулалт хийж цаашдын сонголтуудаа зөв хийгээсэй гэдэг үүднээс арга хэмжээг зохион байгуулж байгаа гэдгийг зохион байгуулагчдын зүгээс онцоллоо. Та өндөр зэрэглэлийн орон сууцны мэдээлэл авахыг хүсвэл www.luxlife.mn сайтад хандаарай.